MATAYO 22:24 - PIPÏLIA

²⁴ Kïtep lö, “Konetin, kinetecha Musa lö ato rapas chi nyo kimösïknye monïng kïmïchini kïmïl werïngwa korketö atökïsïkyï werïngwa monïng.

MATAYO 22:24 ပူးပေါင်းရင်းမြစ်များ

TOWUNÖT 38:11

Atolapay kïlenchï Yuda Tamar, “Mïlena wïyö katangwo aitöpö wöloni ilïkwï mïsïk ntökïtenö kïyetï werïnyan Syela,” ompöwölo kiwagh Yuda lö manan meghöy Syela tïkwïl kïkarkegh nko werkökwa. Kïlenyona kïmïla Tamar katangwa.

TOWUNÖT 38:8

Kïlenchï nyu Yuda Onan, “Wïyö rïwö nko korketo werïngwo, ompöwölo mïchininyi igha lenyoni atesïkyinö monïng werïngwo.”

MATAYO 22:16

Kïlenyona, kïyonta kinetankakwa nko pich cho rïpanpa Erode kïpa kïtep nyinte lö, “Konetin, kinkïtöcha lö ingölonenyi ngala man ainetenyi kunkïtï chi lö ne nyo möko Tororöt nyinte. Amewöghenyinye chi, ompöwölo meyongenyinye wowïn pö pich.

MATAYO 22:25

Kimi werpö chi cho le mut nko odeny cho kikïmöngecha tïkwïl. Kikensyö weri nyo wow akïma puryö monïng, kïmïl werïngwa korkenyi.

MATAYO 22:36

“Konetino, kirurut ne nyo wow tya ompö kirurut nya?”

MATAYO 7:21

“Molenchï kegh lïtöy Pöyunöto Yïm chi anka tïkwïl nyo mwoghöy lö, ‘Echotyon, Echotyon,’ kïpoto chi cho ighöy machata Paponyan nyo mi yïm.

MARKO 12:19

“Konetin, kikirwecha Musa lö, ‘Ato rapas chi akïpïstö korketö kïpuryö monïng, kïmïchini kïmïlöy werto ompö chichoni kokononi atökïyichï monïng chichay karapas.’

LUKA 20:28

“Konetin, mwowecha Kirurut pö Musa lö, ‘Ato rapas chi nyo kitïng korkenyi nyo kitomönye kïsïch monïng, kïmïchini kïmïl werïngwa anka kokononi tökïyichï monïng weri nyay karapas.’

LUKA 20:33

Kïtepichanyi ye nyu lö, pöyitu ngo kokonay ato tutï pich? Ompöwölo kikikwip chane kï mut nko odeny kokononi.”

LUKA 6:46

“Ompö ne tokuranïkwa lö, ‘Echotyon, Echotyon,’ amelö oghekwa le nyo komwowokwa?

RUS 1:11

Wölo kïlenchï Naomi, “Onyöponchenö tipichu, ompö ne tapekwa nko ani? Toyiyan so wor cho tökumuköy tökwipokwa?

RUS 3:13

Töpenönyi yete oghonete, atocham chichoni asïyech tökwoghö kwighunyi nyoni mïchini tïlya kwigh, kï pïchigh, wölo atomelö chömöy kwigh lenyoni, owolwolan kegh ompö kaynata ECHOTYON lö oghunyi nyini roko chi nyo le tïlya. Kïlenyona rïwönyi ntökïyech.”

RUS 4:5

Kïlenchï nyu Poas nyinte, “Asisini kalanyi paranoni ompö ewuno Naomi, kï kechenganyi tïkwïl Rus chepö ka Moap, korketo werïnyo nyay kima atökulet katanyi.”