MATAYO 18:27 - PIPÏLIA

²⁷ Kusyonchï echotyontononi, akïmötochï ghosyonini akïpïstö kïwechï kegh.

MATAYO 18:27 ပူးပေါင်းရင်းမြစ်များ

NEEMIA 9:17

Kitagh chane kïterunyi ngaleku, amökïyangcha töngönchintinechanya kighanyi ompö kwenungwa. Wölo kwigh chane mötöwekwa kwoghïghitu atolapay kïkïl kintöghoghintengwa, kuyoda chane kutang sekeynön ngat ompö koro Misri. Wölo ichinyi Tororöt nyo pö lastagh nko pöropchö nko kisyonchin. Melö inörekenyi lawel wölo wow chomnyengu nyo pö kokay nko nyoni melö kipïstenyi chane.

TUMWÖY 145:8

Tïngeto ECHOTYON pöropchö akï kisyonin mönörekönye lawel akï tïng chomnyogh nyo pö kokay.

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat

TUMWÖY 86:15

Wölo nyi, we Echotyon nyo ichï Tororöt pö kisyonchin nko pöropchö, melö ichinyi nörekin, wölo pö chomnyengu kokay akeghöninyi.

TUMWÖY 86:5

Ichinyi karam, we Echotyon, ailöstoghchini pich ngokï akï wow chomnyengu nyo pö kokay ompö pich löwïr cho soghinyi.

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

MATAYO 18:28

“Wölo kïngeta mötworintonay ataye akïtuyeghö mötworintengwa anka nyo kighoköy nyinte ropïyen 100. Kïnam akuket kïlenchini, ‘Ghokunö pösöntönyan!’

MATAYO 18:32

Kïkur nyu echotyontenyi mötworintonini kïwö kö ori akïlenchï, ‘Ichinyi mötworin nyo gha! Kyomötowunyi pösönay kïmïkul ompöwölo kisaghaninyi,

LUKA 7:42

Akimökumïcha kwodeny kïghakta kïlenyona kuchalta chichay pösöntinechay kwodeny. Ekïngo ompö chane nyo chömöy nyinte tya?”

LUKA 7:43

Kuyokyï Simon lö, “Olentan chitö nyinö kikïlöstoghchï cho chang.” Kïlenchï Yeso, “Kenyorunyi.”

KIRWOKÏ 10:16

Atolapay kïlasta pïchay pö Israel tororötinechay pö tontön akïsagh ECHOTYON. Kusus nyinte nyarïl nyo kitïng pipö Israel.