MATAYO 18:25 - PIPÏLIA

²⁵ Kimötïngnye mötworintonini ropïyen chonikïny cho kighoktegho pösöntanyi, kïlenyona kïmwatïta echotyontenyi kyalta kïlïkwï sekeyon, nyinte nko korkenyi nko monechi nko tïkwïn löwïr cho kitïng atökemï keghakta pösöntanyi.

MATAYO 18:25 ပူးပေါင်းရင်းမြစ်များ

2 PÖYTOGHÏ 4:1

Kiwö asistanka korka akong nyo le mïsïk ompö koru werkoy wölo mi Elisya akïlenchï, “ECHOTYON, kirapas pontenyan! Ainkïtönyi lö kisoghöy nyinte ECHOTYON kïtenö osis. Kengwïn ye chi nyo kipösönö nyinte ropïyen kïcheng werköchan odeny, atökïlïkwï sekeykachi.”

NEEMIA 5:5

Kïchï so melö akonga kisönköcha nko chikwa? Anta mökörönye kegh so monekwa nko chicha? Akwanyï kakighacha monecho kïlïkwï sekey. Akikyaltecha tipicho walaka kïlïkwï sekey. Kikewongucha, ompöwölo kicheng pich walaka pareni nko pareni sapipun.”

NEEMIA 5:8

alenchan, “Kikimïtucha werköcho cho pö Yaudi cho kikyolchï pipö punton, angetakwa ye nyu agh pikökwo Yaudi kwolwokwa kegh ngat?” Kïsisyö lasay.

WUWÖT 21:2

Ato iyalanyi sekeyon nyo pö Eprania, pöghisyewunyi ompö könyis mut nko akonga, wölo kityoköy ompö könyito mut nko odeny amöminye kïgh nyo ghoku.

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

LAWIN 25:39

“Ato lïkwï meywon chi akonga ompö akwa akwolunyi kegh, megh nyinte kïpöghisyö le sekeyon.

MATAYO 18:24

Nyo otini kitökïmi kwighöy lenyoni kemïtï nyinte akonga ompö mötworichi nyo kipösön ropïyen cho makïrar.

LUKA 7:42

Akimökumïcha kwodeny kïghakta kïlenyona kuchalta chichay pösöntinechay kwodeny. Ekïngo ompö chane nyo chömöy nyinte tya?”