MATAYO 17:5 - PIPÏLIA

⁵ Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.”

MATAYO 17:5 ပူးပေါင်းရင်းမြစ်များ

AYUPU 38:1

Atolapay kuyokyï ECHOTYON Ayupu ompö chepkïrïri lö,

TUMWÖY 81:7

Kyokuranïkwa ompö nyarïl osörwokwa. Kyongitönwokwa ompö tïlöt ompö wïngat. Kyatyamenokwa kori pöghoni Meripa.

WUWÖT 19:19

Kitasa tya chöghöto kontï. Kïngalan Musa, kuyokyï Tororöt ompö tïlöt.

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ISAYA 42:21

ECHOTYON kï Tororöt nyo mököy kösörwokwa, nka nyoni kikus kirurutkachi nko kinetutkachi, akomököy nyinte pikachi kïkonyïtöy.

MATAYO 12:18

“Anyï mötworintenyan nyo kakïlan, nyo le chamanenyan nyo ochömonan kegh nyoman, otöninan Mïkulöwunyu parakunyi atökïmwochï nyinte pipö punton kirwokötenyan.

MATAYO 17:6

Otini kilïm kinetanchay kutinini, kïmïghyö akupïtyï ngwïny.

MATAYO 3:17

Atolapay kïlö kut nyo kingwïno yïm, “Werïnyan nyï nyo le chamanenyan, nyo ochömonan kegh nyinte tya.”

MARKO 1:11

Kungwïna kut yïm, “Ichinyi Werïnyan nyo le chamanenyan. Ochömeninyi kegh tya.”

MARKO 9:7

Kungwïn polta kulum chane, kïngalana Tororöt poltonay lö, “Werïnyan nyï, nyo ochöman: atera nyinte!”

LUKA 3:22

kïrökyï Mïkulögh nyo Tïlil nyo kitïng por nyo lata chepïrïm. Kungwïna kut yïm nyo kilö, “Ichinyi Werïnyan kegh nyo le chamanenyan. Ochömeninyi kegh tya.”

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

YOANA 3:35

Chömöy Kwanta Werïnyi akakutö kïpöyï tïkwïn löwïr.

YOANA 5:37

Akïsöwintönchinanïn Paponyu nyo kiyokwanïn. Tomönye alïmakwa kutinyi nyonikïny akïtomönye asïwenakwa kïtontanyi

IGHISYEWUT 1:9

Kïkany kuwany kïngölonöy, kengwïsa nyinte tawungwa akep kïwö yïm kïsïwïyi chane ntökïtenö kïkarta polta.

IGHISYEWUT 7:37

Chichoni le Musa nyo kïlenchï pipö Israel, ‘Yokwokwa Tororöt nyo ngwïno pikökwa werkoyon, le wölini kiyokwanïn.’

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

KINONO KIRURUT 18:15

“Nyinö köteghöy lenyoni, kïyonwokwa nyinte werkoyon nyo karkegh nko ani, nyo ngwïno pikökwa kegh. Oterchï nyu ngalechi.

KINONO KIRURUT 18:19

Akwanka tïkwïl nyo mölïmönye ngalechan cho mwowu nyinte ompö kaynenyan, otepan chichoni.

KINONO KIRURUT 5:22

“Kimwochï ECHOTYON ngalechoni löwïr tuyenkwa kïmïkul ompö kutïng ompö kut nyo kingölonuno ma nko polta nko tuwïn nyo wow. Amelö kitas kiyomisutkö walaka. Atolapay kukirchï ECHOTYON kirurutchoni koghïn odeny cho töpölöl akïkonanïn.

KOLOSAY 1:13

Kisörunenecha nyinte owesyo tuwïn akuwuwecha nyo karam kelïte pöyunöteto Werïnyi nyo le chamanenyi.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

NGONGUT 14:14

Atolapay asïwan lö kimi polta nyo rel atoni. Kitöpo kïgh poltononi nyo lata ptangengmöt nyo kitïng tenta koltin ompö mötïnyi nko rotwö nyo ngatip nyo kilo pagh ompö ewunyi.