MATAYO 15:24 - PIPÏLIA

²⁴ Kïlenchï Yeso kokonay, “Kikïyonwanïn angwïn wölo mi kechir cho kipotyö cho pö pipö Israel kïpoto!”

MATAYO 15:24 ပူးပေါင်းရင်းမြစ်များ

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

ESEKEL 34:16

“Oyörotenan nyo kepot, ayokï nyo kamasta, asop nyo kömïrö arosöy nyo le chankulan orosan nyu nyo akwagh akï tïyam oyokuyenan chane man.

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

MATAYO 15:23

Wölo kimeyokyïnye Yeso nyinte ngölyon nyonikïny. Kïpkonchï kinetankachi kïsagh nyinte lö, “Mwochinö kïwechï kegh ompöwölo karïpecha akuteghöy tya!”

MATAYO 18:11

Ompöwölo kingwïn Wero Chi kïsörï pich cho kikupotyö.]

MATAYO 9:36

Kikany kisïwa nyinte söpïchis, kusyonchï nyinte chane nyoman, ompöwölo kyoghochö akïtoytoyö le kechir cho kipuryö mösöwon.

IGHISYEWUT 13:46

Kïngalan Paulö nko Parnapa ompö nyakanan lö, “Kömïchï kemwowokwa ngölyonto Tororöt nyo pö tagh. Wölo otini kataghakwa ye nyu, kï korwokyikwa kegh akwane achamakwa lö, merokonokwanye söpon pö kokay, kakïpïstokwa yenyu akepa koro punton.

RUMI 15:8

Ompöwölo omwowokwa lö, kipöghisyechï Kristo pipö Yaudi atökumï nyinte kuparta lö, pö man Tororöt akupuntoy kiyomisutkachi cho kimwochï papotïnecho,