MATAYO 15:23 - PIPÏLIA

²³ Wölo kimeyokyïnye Yeso nyinte ngölyon nyonikïny. Kïpkonchï kinetankachi kïsagh nyinte lö, “Mwochinö kïwechï kegh ompöwölo karïpecha akuteghöy tya!”

MATAYO 15:23 ပူးပေါင်းရင်းမြစ်များ

TOWUNÖT 42:7

Nyini kisïwa Yosep werkökwa, kunkïtï chane wölo kwigh kegh le chi nyo kimenkïtnye chane, kïngölonchï ompö sïnyoryö. Kïtep lö, “Opkonokwa onö nya?” Kuyokyï lö, “Kïpkonocha Kanan, kakïpkanacha kyal omisyö.”

TUMWÖY 28:1

Okurinyi, we ECHOTYON nyo ichï köpönenyan. Mesisyanïn! Oköran kegh nko pich cho petöy ngwen ato itaghanyi wöghökunö.

LOK 3:8

Korirchan ECHOTYON tökungarakan wölo katagh kïlïm saghatenyan.

MATAYO 14:15

Kïkany kwimön, kïpkonchï kinetankachi akïlenchï, “Mach kïröytö asis kör akwanyï siriron wölete, yontena pïchï kïpechï kegh wölo mi kestonï atökwolchï kegh omisyewut.”

MATAYO 15:22

Kungwïnchï korka nyo pö Kanan nyo kimöngöy wölini akïrirchï nyinte lö, “Syonchante, Echotyon, Wero Daudi! Kep oy cheptönyan mi ye ato gha nyoman.”

MATAYO 15:24

Kïlenchï Yeso kokonay, “Kikïyonwanïn angwïn wölo mi kechir cho kipotyö cho pö pipö Israel kïpoto!”

KINONO KIRURUT 8:2

Anan arananye kïmïkul kimïtunenokwa ECHOTYON Tororötïnkwa ompö könyis tömönut angwan ompö surkwen, atökwighekwa opö kegh ngwïny. Akïtyamakwa, atökunkïtï wölo lata mïkulöwekwa lö ochömekwa orïpe kirurutkachi nya anta ewo.