MATAYO 15:19 - PIPÏLIA

¹⁹ Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

MATAYO 15:19 ပူးပေါင်းရင်းမြစ်များ

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

TOWUNÖT 8:21

Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.

TUMWÖY 119:113

Otöghan pich cho kisach kinonut, wölo ochöman kirurutköku.

NGÖTÏNYÖ 22:15

Mi sölwontön mïkulöwu monïng, wölo yonöy sito pirirat kïlowitunö nyinte.

NGÖTÏNYÖ 24:9

Ngokï kinonut pö sölwö akulilöy pich kichïmpisintö. Ngöghomnyö nyo pö tömönut odeny nko angwan

NGÖTÏNYÖ 4:23

Irip mïkulöwungu nyoman kïtïl kïgh anka tïkwïl ompöwölo kosuno orinyi pögho söpon.

NGÖTÏNYÖ 6:14

Mi kipotötö mïkulöwunyi akïtötöy ghöyityö kïnomnyö. Kötkötöy kösïgho pesyogh.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 59:7

Omitekwa otötöy ghöyityö kïtenö osis amelö otïngetekwa pöroyïn nyo le ompö kite nyo oköngisïyi kïtomö amïltena kisön cho puryö lelut, pö tötutkökwa löwïr rïmöt. Rumuno ortïnekwa cho echön tïryolyö nko kiwurat.

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

KIYITUT 22:29

Kïlenchï Palaam sïkïryonay, “Ompöwölo kepirönenaninyi, ntökotïngetan chok kötökaparinyi.”

MATAYO 15:20

Tïkuchoni cho sïmnyonöy chi. Wölo kyomisyeghö morïn cho tomöcha kewun, kïmelö ighöy chi kïlïku sïmnyon.”

MATAYO 5:28

Wölo omwowokwa ye nyu lö chi anka tïkwïl nyo rosöy korka ompö pïrchin, kï kikwigh cheporesnan tïkwïl.

MATAYO 9:4

Kïpköchï Yeso ngalechoni kinonöy chane, kïlenchï, “Ompö ne tononokwa mïkuliskökwo ngal cho ghach?

IGHISYEWUT 8:22

Kötenö machatengu nyï gha, aisagh Echotyon atömanyïl kïlöstewun ompö kinonut nyo lata nyete.

RUMI 7:18

Ompöwölo onkïtön lö, kïrïp kegh nko otöptönyan nyo pö ptangengmöt möminye kïgh nyo karam nyo mi orinyan. Ompöwölo kïrkegh kömi machate orinyan nyo karam, kïmomukanye oghey.