MATAYO 13:38 - PIPÏLIA

³⁸ pare kï ngwïny, kösïghechay karamach kï pich cho le nyingwa Pöyunöto Tororöt, wölo sekut kï pich cho pöyitu Onyöt

MATAYO 13:38 ပူးပေါင်းရင်းမြစ်များ

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

TUMWÖY 22:30

Pöghisyechini nyinte pïnwöy cho tökeyiyöy, mwochini pich pïnwöy cho tökïpkonöy lökoyo ECHOTYON.

ISAYA 53:10

Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

OSEA 2:23

Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

MATAYO 13:19

Ato lïm chi anka tïkwïl ngala Pöyunöt ameghanye, kïkarkegh nyinte nko kösïghecha kichïnchini arawet. Itu nyu Mwokïyontonay gha kïsara nyinte ngölyontonini kikïlechï mïkulöwunyi.

MATAYO 24:14

Wölo kyomchini Lökoy cho Karamach pö Pöyunöto Tororöt ngwïny kïmïkul tökïlïkwï söwintön ompö pipö Punton löwïr kwitï nyu sörömu ngwïny.

MATAYO 5:37

Nya kïlïkwï kïgh nyo imwoghöy, ‘Owöy’ anta, ‘Ewo.’ Kïgh anka tïkwïl nyo tïlöy nyoni, kungwïno wölo mi Onyötö.

MATAYO 8:12

Wölo kïwirchini wölo tuw pïchini kötöpöyitu Pöyunötö yïm, riryegho nyu chane wöloni akïnyagh kelat.”

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

IGHISYEWUT 13:10

akïlenchï, “Nyi Wero Onyöt! Aichï punyonto kïgh anka tïkwïl nyo karam, nyïghitatïnyi ngöghomnyö nyo pö ghöytyö, mepïstonenyinye kïnure ortïna Echotyon cho ghïteghote?

RUMI 10:18

Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

RUMI 16:26

wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

RUMI 8:17

Akwompöwölo kichicha monechi, kenyorunecha kisoyönut löwïr cho rorchini nyinte pikachi, akenyorunecha ngat nko Kristo tïkwïn cho kirorchï Tororöt nyinte. Ompöwölo ato kinyarilecha kong nko Kristo, keghömecha ororyenyi nko nyinte.

KOLOSAY 1:6

Kitas tagh Lökoyechoni Karamach kuyinï akwa akulet tagh kïghömï ngwïny kïmïkul, le wölo kilïkwï ompö kwenunkwa kïngeta asisanya kyalïmakwa akïpköchokwa lö nen pöropcho Tororöt,

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

1 PETRO 1:23

Ompöwölo kikeyïyokwa yiyöt nyo pö odeny, ompö kösïghyon nyo mönïnönye nyo pö ngölyonto Tororöt nyo satate kokay.

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

NGONGUT 14:6

Atolapay asïwan malaykayante anka nyo kipilöy kïmïröy poltoy akitïng Lökoy cho Karamach atökwomchï pipö ngwïny, punton löwïr nko pich lapay, kutïw löwïr nko pipö koros lapay!