MATAYO 13:22 - PIPÏLIA

²² Kïkany kösïghe chinö kichïnchï kwenu kato, kïkarkegh nko chi nyo lïmöy ngölyonto Tororöt, wölo otini ketï sïngut pö ngwïny nko chamata sïkönöt kwam nyu ngölyontonay, amelö kitö kuyin akwa.

MATAYO 13:22 ပူးပေါင်းရင်းမြစ်များ

TUMWÖY 52:7

“Arose köny cho kitagh kïwïnga kegh Tororöt akïmenö sïkönötenyi nyo wow akutwayta kegh pkatnanenyi.”

TUMWÖY 62:10

Mokön tïkwïn cho kïmoso pich amokwolö kegh mökosyö nyo kïsïko masat. Kïrkegh katasa mökosyö, motighö kegh.

NGÖTÏNYÖ 11:28

Pïyïsöy chi nyo twoytoy kegh sïkönötenyi, wölo tuynönöy chi pö man le sökö cho nyörilöch.

NGÖTÏNYÖ 23:5

Wetöy sïkönöt lö weng, ompöwölo pitöy köpepoy, akupiltö le sich kïtopön yïm. Ngöghomnyö nyo pö mut nko sömök

OMTOGHIN 4:8

Mi chi nyo mi onkït, nyo mötïngnye werïnyi anta werïngwa akïmi nyinte kïsïngöy kïnomnyö amelö mïchini nyinte sïkönöt nyo tïng. Pöyitu ngo nyu tïkuchoni sïngo nyinte lenyoni akïmul kegh ngarakat? Kwïle nyoni tïkwïl, akwotöp nyo pö kiwongunöt nyo wow.

YEREMIA 4:3

Lenchini ECHOTYON pipö Yuda nko Yerusalem, “Angora parenikwo amolechï kösïghekwo wuw pö kato.

MATAYO 12:32

Akï chi anka tïkwïl nyo ngölono kïgh nyo gha Wero Chi, kelöstoghchini, wölo anka tïkwïl nyo ngölono kïgh nyo gha Mïkulögh nyo Tïlil nyo melö kïlïstoghchini ompö nyete le ye nko kokay.

MATAYO 13:39

akï punyonte nyini letoy sekutkö kï Onyöt. Ile kï sörömu kiwonyogh pö ngwïny, ilï kï malayken.

MATAYO 13:40

Kïle wölaye kïghömïtïtoy sekut akepel, kïlïku nyoni ompö asispa Söröm,

MATAYO 13:7

Kïchïnchï kösïgh walaka kwenu kato, kïpit katochay akwam paghechoni.

LUKA 12:15

Atolapay kïlenchï pïchay löwïr, “Wechara! Oripö kegh pïrchinogh pö tïkwïn. Ompöwölo molenchï kegh lö köromitu tya söpon pö chi ato tïng tïkwïn cho chang.”

LUKA 12:21

Atolapay kuwanta Yeso lö, “Ighöy lenyoni ompö chi nyo rorchini kegh sïkönöt, wölo meywon nyinte ompö tawu Tororöt.”

LUKA 21:34

“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.

LUKA 8:14

Kösïghechay kichïnchï kwenu kato kï pich cho lïmöy ngölyonto Tororöt, wölo kuruk kisusut nko sïkönön nko ngörekyo möngonete tömökïrïrö akwekwa.

IGHISYEWUT 8:18

Nyini kïsïwa Simon lö, katak kighönichay Mïkulögh nyo Tïlil otini kikana kiyoktoghï ewunekwa parakungwa. Kïlenyona, kwonkoghchï chane ropïyen,

RUMI 12:2

Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.

1 KORINTO 1:20

Ato lenye nyoni, mi onö nyu chi nyo ngöghom? Anta mi onö psïkulyon? Akïmi onö ngöloninto könyiswechï nya? Ayo, melö so yitöy Tororöt ngöghomnyo ngwïnyinï lö sölwontön?

1 KORINTO 2:6

Kïrkegh kïlenyoni, kepöghisyeghonecha ngala ngöghomnyö ompö pich cho kikilyö ompö kighanat, wölo melö ngöghomnyo ngwïnyinï anta nyo pö pöytoghi ngwïnyinï cho mi owesyengwa kïwonyotoy.

1 KORINTO 2:8

Möminye pöytoghinto ngwïnyinï nyo pköchini ngöghomnyoni. Ntökinkït kitömelö wudochini chane Echotyonto ororyö kimurtöwon.

1 KORINTO 3:18

Malïs kegh akwane! Ato nonöy chi anka tïkwïl ompö kwenunkwa lö ochï ngöghom ompö ngwïnyinï akany kïlïkwï nyinte sölwö atökïsïch ngöghomnyo man.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

KALATIA 1:4

Kikonï kegh Kristo nyinte ompö ngokicha kïrïp kegh nko machata Paponyo Tororöt, atökutyakenech ngwïnyinï gha pö ye.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

2 TIMOTEO 4:10

Kicham Dema ngala ngwïnyinï akikïpïstanïn kïwö kutang Tesalonike. Kïwö Kreske kutang Kalatia, kïwö Tito kutang Dalmatia.