MATAYO 12:34 - PIPÏLIA

³⁴ Akwa moroyutchï, omukekwa lö ne ongölone ngal cho karamach achikwa ghach? Ompöwölo ngölonöy kuti chi tïkwïn cho nyïghïtate mïkulöwunyi.

MATAYO 12:34 ပူးပေါင်းရင်းမြစ်များ

TUMWÖY 53:1

Lentöy sölwöy ompö kinonutkökwa, “Möminye Tororöt!” Kikunyorisyö chane löwïr akïmi kwighöy lelut. Möminye nyo le ompö akonga nyo ighöy man.

TUMWÖY 64:3

Litöy chane ngölyepkökwa le chokon akïwutï ngal cho lata ngwonö.

TUMWÖY 64:5

Kilöy kegh chane ompö tötutkökwa cho ghach, tötöy chane wölo töni ngöghöptinekwa, akïlentöy, “Möminye chi nyo sïwïyi chane.”

NGÖTÏNYÖ 16:23

Ighöy mïkulöwu chi nyo ngöghom ngalanatenyi kïchama, akïtösyini kinetut ngalechi.

NGÖTÏNYÖ 4:23

Irip mïkulöwungu nyoman kïtïl kïgh anka tïkwïl ompöwölo kosuno orinyi pögho söpon.

ISAYA 32:6

Ngölonöy chi nyo le sölwö ngala sölwontön akunonöy tïkwïn cho ghach. Ighöy akïngölonöy tïkwïn cho ghöchini ECHOTYON. Melö pöghöy pich cho amate kömöy anta tö chane pögh cho gheghöy.

ISAYA 59:14

Köweghenecha kirwoköto man akuperta man kïlowit ompö acha. Kikupotö man kokwotïn, akïchop kitenata wölo töpuno ompö atoni.

ISAYA 59:4

Möminye chi nyo ghoköy kïgh ompö man ato mi ka kirwok anta söwintönchï man. Kopöghisyekwa putintön tolotisyenö ompö ka kirwok. Oghekwa tötut cho wököy pikö walaka.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

MATAYO 12:35

Ipuno chi nyo karam köromnyö ompö kaplawachtanyi nyo karam, kwipuno chi nyo gha tïkwïn cho ghach kaplawachtanyi nyo gha.

MATAYO 15:18

Wölo tïkwïn cho pkono kut, kïpkono mïkulögh ori, tïkwïn cho lata choni cho sïmnyonöy chi.

MATAYO 23:33

Heywey moroyut chï otïngetö ngwonö! Omukekwa ochïwïtyegho kirwoko mapa kokay lö ne nya?

MATAYO 3:7

Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

LUKA 3:7

Kïpka nyu söpïchis pö pich wölo mi Yoana atökupatisan nyinte chane. Kïlenchï pïchay, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

LUKA 6:45

Ipuno chi nyo karam köromnyö ompö kaplawachtanyi nyo karam, kwipuno chi nyo gha tïkwïn cho ghach kaplawachtanyi nyo gha. Ompöwölo mwoghöy chi tïkwïn cho mi mïkulöwunyi.

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

EPESO 5:4

mömïchininye ngat kelïmchokwa ngala arasï anta cho pö sölwontön anta kimölöto kegh, wölo mïchini oyokyinökwa Tororöt sörö.

YAKOPO 3:2

Kighecha lelut cho chang kïnomnyö. Nyo ato malelnye chi ompö ngalanatenyi, kutenate chichoni akumuköy nyinte kïpayta portanyi kïmïkul.

1 YOANA 3:10

Anyï kïgh nyo poru sisïn ompö monïngo Tororöt nko cho pö Onyöt: chi anka tïkwïl nyo meghönye kïgh nyo pö man anta macham werïngwa, kïmelö mompö Tororöt nyinte.

1 SAMWEL 24:13

Kïle ato kimwa pipö köny ompö ngötïnyö lö, ‘Ngwïno ghöyityö pich cho ghach.’ Wölo melö opörinyi.