MATAYO 12:31 - PIPÏLIA

³¹ Kïlenyona, omwowokwa lö, kïlöstoghchini pich ngokï walaka tïkwïl nko ngölyon anka tïkwïl nyo gha nyo kemwa Tororöt, wölo melö kïlïstoghchini chi anka tïkwïl nyo mwoghöy Mïkulögh nyo Tïlil.

MATAYO 12:31 ပူးပေါင်းရင်းမြစ်များ

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ESEKEL 33:11

Lenchinö nyu chane lentöy Echotyon TORORÖT le ato osopan, kïmelö mïlanïn megha chemwokïyon, wölo omökan kïpïstö nyinte ortïnechi cho ghach tökïsöp, owöghökisyenö pö ne omeghyenö kwïle nya Israel?

LAWIN 24:16

Nyinte nyo mwoghöy kaynata ECHOTYON ketïghöy kïma. Lökoy tuyo Israel nyinte koghïn. Ato chi anka tïkwïl nyo pö Israel anta nyo le ton nyo mwoghöy kaynata ECHOTYON nyo tïlil ketïghöy.

LUKA 12:10

“Kïlöstoghchini ngokï chi anka tïkwïl nyo mwoghöy ngölyon nyo gha paraku Wero Chi, wölo melö kïlöstoghchini chi ngokï nyo mwoghöy Mïkulögh nyo Tïlil.

IGHISYEWUT 7:51

“Akwa tighï! Karkegh mïkulöwekwa nko cho pö pich cho tomöcha kughan Tororöt. Minyote yitikwa kïlïm ngölyonto Tororöt, olyoke Mïkulögh nyo Tïlil le wölo kida alatekwa kukötinekwa, nyoni tïkwïl!

EPRANIA 10:26

Ompöwölo ato kïkwötyicha keyokyï kegh ngokï otini kakesöwucha ngölyonto man, kïmökïminye nyu ngat amöros nyo ngokï,

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

1 YOANA 5:16

Ato isïwa tupchengu kwighöy ngokï cho melö ighöy pich tömökïnyorï söpon pö kokay, kïmïchini saghanyi Tororöt atökutö nyinte söpon. Ongölonenan pich cho meghnye ngokï cho ighöy chane tömökïnyorï söpon pö kokay. Wölo mi ngokï cho ighöy pich tömökïnyorï söpon pö kokay amomwoghanye lö asagh ompö choni.