14 Wölo kïngeta Parisaytin atoni akïtat or nyo tïgho Yeso.
akïtat wölo nömtoy Yeso ompö sison tökïpar.
Nyini kiyech, kïtuyö tïsï cho echön löwïr nko poyi pipö Yaudi tökïyar ngölyon nyo nömo Yeso tökïpar.
Kitomönye osiswö odeny ntökwitïta Ichon pö Pasaka* nko makatin cho puryö mumar. Ompö atoni kï kimi tïsï cho echön nko koneti kirurut kïyöröy or nyo lepo Yeso tökïnam akïpar.
Kïlïtöy Parisaytin* sany, akïpa kutuyö kegh nko pipö Erode, akïtat wölo tïghtoy Yeso.
Kumukyï tïsï cho echön nko koneti kirurut kïmar or nyo kïtïgho Yeso ompö sison ompöwölo kiwoghöy chane pich.
Wölo kïnörekyö chane nyoman, akïteptep kegh wölo kidoy Yeso.
Kïkwagh pïchay pö Yaudi köghïn lö tökewira nyinte.
Kumukyï ngat lö tökïnam, wölo kïchïwïta nyinte morikwa.
Kïmar nyu kintöghoghi pipö Yaudi or kïngeta asisoni nyo pöro Yeso.
Kökikïmwatïta tïsichoni echön nko Parisaytin lö ato mi chi nyo nkït wölo mi Yeso, kïmwochï atö kïnam chane nyinte.
Kïkany kïlïm pipö Yaudi lenyoni, kïnörekyö tya, akïmar or nyo tïgho nyinte, amelö ompöwölo kinyar kirurut pö asispa Sapato, wölo ompö wölini kimwa nyinte lö, Paponyi Tororöt, nyo poru lö kigh kegh kïkongityö nko Tororöt.
Kïyar nyu chane or nyo nömöy nyinte, wölo kimöminye chi nyo kyonkoytö ewunyi lö onömöy nyinte, ompöwölo kitomönye kwitïta sayenyi.
Kïlïm nyu Parisaytin* söpïchoni kïchomöy ngal paraku Yeso, kïlenyona kïchomnyö chane nko tïsï cho echön kïyonta ripï kïpa kïnam Yeso.
Kïmach pikö walaka kïnam nyinte, wölo kimöminye chi nyo kimukyï.
Kïkwagh koghïn cho kïmököy kïwiro nyinte, wölo kiwïny kegh Yeso akïngeta Kö pö Tororöt.
