MATAYO 11:22 - PIPÏLIA

²² Wölo omwowokwa nyoman lö, ‘Syonchini Tororöt ompö asispa kirwok tya pipö Tiro nko Sidon kïtïlekwa!’

MATAYO 11:22 ပူးပေါင်းရင်းမြစ်များ

YEREMIA 27:3

Atolapay iyokchï kut pöytoghi Edom nko Moap nko Amon nko Tiro nko Sidon nyo ipöy pich cho keyokwï pöytoghichoni kïpka Yerusalem kïnyorï Sedekia, pöytoghinto Yuda.

ESEKEL 29:18

Kïlenchanïn, “Wero chi, kikusetï lïkenyi Nepukadnesa pöytoghinto Papilon kïpar Tiro. Kigh pikachi kïkasan tïkwïn cho nïkisöch ntökïchïrkonisyö mötöwöy nko pöghway, wölo melö nyoru kïgh nyonikïny chane ompö Tiro nyo yoku poryoninö kisïnga.

YOEL 3:4

“Ochikwa ngo ompö ani nya Tiro nko Sidon nko koroswo Pilistia? Ayo mi kïgh nyo omökekwa oghokwanïn? Nyo ato mi kïgh nyo oyokwanïkwa, ayokwokwa nyu lawel kïrïp kegh nko wölo lata ighisyewutkökwa.

MATAYO 10:15

Omwowokwa nyoman lö, syonchini Tororöt asispa kirwok tya pipö Sodoma nko cho pö Komora, kïsir piko kanasyantanoni!

MATAYO 11:21

Kilenchï, “Heywey we, Korasin! Heywey ompö nyi Petsayda tïkwïl! Ompöwölo ntökikigha Tiro nko Sidon töngönchintin cho kikighwekwa, kitö kikïkötö köny chane akulach sarankwachtin akuchukö kegh aren.

MATAYO 11:24

Wölo omwowokwa nyoman lö, syonchini Tororöt asispa kirwok tya pipö Sodoma kïtïlinyi!”

MATAYO 12:36

“Omwowokwa nyu lö, mwowu pich asispa kirwok ngölyon anka tïkwïl nyo kingalan chane amelö kinonchï.

LUKA 10:14

Wölo ngwongwonöy Tororöt pipö Tiro nko cho pö Sidon asispa kirwok kïtïlakwa cho kasïwa.

EPRANIA 2:3

Ekechïwïtyonecha nyu lö ne, ato mökïyangachanye sörunöt nyo wow nyo tenö nyï? Kinya Echotyon nyinte tagh kimwowï sörunötononi, kukïniniewecha pich cho kilïm ngalechoni lö, pö man.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.

1 YOANA 4:17

Keröto chomnyogh kuten ompö orincha kï kesïköcha nyakanat ompö asispa kirwok. Akesïkecha nyakanate lenyoni ompöwölo kïmicha orito Tororöt ompö ngwïnyinï lenyini mi Kristo orito Tororöt.

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.