MATAYO 11:11 - PIPÏLIA

¹¹ Amwowokwa nyoman lö, möminye chi nyo kikïpusï ompö monïng cho kiyï korï nyo wow kïtïl Yoana Kipatisanin, wölo chi anka tïkwïl nyo kiyitöy lö mïnïng tya ompö Pöyunöto Yïm, kï wow kïtïl nyinte.

MATAYO 11:11 ပူးပေါင်းရင်းမြစ်များ

AYUPU 14:1

“Ngörï osiswo chi nyo kiyï korka akï chang kömpölelutkachi.

AYUPU 14:4

Ngo nyo muköy kwigh kïgh nyo tïlil kungwïna nyo le sïmnyon? Möminye chi nyo muköy.

AYUPU 15:14

Ngo chi nyo puryö sïrïp? Anta ngo nyo kïyï korka nyo kimuköy kelö pö man?

AYUPU 25:4

Lïku nyu chi lö ne, chi pö man ompö tawu Tororöt? Akïtïlilitu lö ne, ptangengmöt nyo kïyï korka?

TUMWÖY 51:5

Ochan lelan kïngata otini kikïyiyanïn akyotïngetan ngokï kïngata omitan mu.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

SAKARIA 12:8

Oripan ante ECHOTYON asisoni pich cho möngöy kanasyanta Yerusalem. Lïmchini kegh chi nyo nyarkalal ompö kwenungwa lö otïng owesyö nyo kitïng pöytoghinto Daudi. Ntöghoghchini pipö ara pöytoghin Daudi pipö Yuda le malaykayanta ECHOTYON, anta le Tororöt.

MATAYO 11:10

Ompöwölo Yoana nyaye ngölono Kikirut lö lentöy Tororöt, ‘Kayontan mötworintenyan kïnyaghinyi atökwigh or nyo iwerenyi.’

MATAYO 11:12

Kïngeta osiswo Yoana Kipatisanin nko ye, wow ryöpötö nyo könyorï pöyunöto yïm, wölo pich cho köromöch cho chengo kat.

MATAYO 3:1

Kingwïn osiswechoni Yoana Kipatisanintö akutor kwamtata ompö surkwen pö Yudea kilentöy,

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

MATAYO 5:19

Kïlenyona, chi anka tïkwïl nyo penyöy ompö kirurut akonga nyo mïnïng tya ompö kirurutchï, akunet pikö walaka kwigh lenyoni, kïmïnïngitu nyinte tya ompö Pöyunöto Yïm. Wölo chi anka tïkwïl rïpöy akunetöy lenyini kekuro nyo wow ompö Pöyunöto Yïm.

LUKA 1:15

Ororitu nyinte nyoman ompö tawu Echotyon amögheghönye dipay* anta kumïn. Kinyïghitöy nyinte Mïkulögh nyo Tïlil kïngeta kïmi mu.

LUKA 7:28

Kuwany Yeso kïlenchï pïchay, “Omwowokwa nyoman lö, wow Yoana kïtïl chi anka tïkwïl nyo kikïyï, wölo chi anka tïkwïl nyo mïnïng tya ompö Pöyunöto Tororöt kïwow kïtïl nyinte.”

LUKA 9:48

akïlenchï pïchay, “Anka tïkwïl nyo toköy monïngï ompö kaynenyan, kïtokanïn akwanka tïkwïl nyo tokanïn kïtoköy nyinte nyini kiyokwanïn. Ompöwölo anka tïkwïl nyo mïnïng tya ompö akwa löwïr, kï wow nyoni kïtïl.”

YOANA 1:15

Kisöwintönchï Yoana nyinte ompö kiteghat lö, “Anyï chichay kyomwowokwa ngalechi, atanya kyamwaghan lö, ‘Pïnï yi chi nyo wow tya kïtïlanïn, ompöwölo kimito nyinte kïtomö keyïyanïn!’ ”

YOANA 1:27

Rïpkanïn nyinte, wölo mömïchinanïnye ompö atyak kweghkachi.”

YOANA 10:41

Kïpkonchï pich cho chang akïlö, “Kimeghnye Yoana kiporut chonikïny, wölo kilïkwï man kïgh anka tïkwïl nyo kimwa nyinte ompö chichete.”

YOANA 3:30

Töso nyinte nyo mötïny kwororitu, amïnïngitwan.

YOANA 5:35

Kikarkegh Yoana nko kitömöwön nyo kinoghöy akulïwu, achamakwa ongörekyeghenö löpoyïntanyi ompö osis cho ngörï.

YOANA 7:39

Kimwa Yeso ngalechoni ompö ngala Mïkulögh nyo kitomönye kite kïtak pich cho ghönöy nyinte. Kitomönye atoni kekonï Mïkulögh ompöwölo kitomönye ketöror Yeso.

1 KORINTO 15:9

Ompöwölo ochan mïnïng tya ompö pïchoni löwïr Kiyoktö Yeso, amömïchinanïnye ompö kekurenanïn kiyoktoghin,* ompöwölo kyachopan kong kanisa Tororöt.

1 KORINTO 6:4

Ato töp ngala cho lata choni ntökwitï, opchinekwa so pich cho möyongöcha kanisa kïmutöy?

EPESO 2:3

Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

2 TIMOTEO 1:10

wölo kikengongwecha ye pöropchononi ompö kingwïnata Ghetintenyo Kristo Yeso. Nyinte nyo kewany owesyo meghat akïngongwï söpon pö kokay kuwerï Lökoy cho Karamach.

EPRANIA 11:40

ompöwölo kimököy Tororöt chane kïköngisyö tökumor kïnye ropöw cho karamach cho kikiyomiswecha.

1 PETRO 1:10

Kisem werkoy akïkït ngala sörunötononi, akïngor paraku ropöwonto pöropcho kikikïtat Tororöt kïkonokwa.

1 SAMWEL 2:30

Lentöy ECHOTYON Tororöt pö Israel, ‘Nyoman oyomisön lö pöghisyeghwanïn kongu nko koto papongu kokay.’ Wölo ye nyu kölö ECHOTYON, ‘Mökumukonye lenyoni, ompöwölo okonyïtan chona konyïtanïn, kïkany chane cho sösanïn, osösan chane.