MATAYO 10:6 - PIPÏLIA

⁶ Wölo kaykay ape wölo mi pipö Israel cho kakupotyö le kechir.

MATAYO 10:6 ပူးပေါင်းရင်းမြစ်များ

TUMWÖY 119:176

Kyatampararan le kech nyo kemperöl, yara mötworintengu, mowutyeghanye kirurutköku. Tum pö pusat.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

YEREMIA 50:17

“Karkegh pipö Israel nko kechir cho sökosöy ngötïny kïtoyö. Kinya kïporyeghö chane pöytoghinto Asirya anyï ye kapar kïrïngarïng chane ko Nepukadnesa pöytoghinto Papilon.

YEREMIA 50:6

“Karkegh piköchan nko kechir cho kimötö mösöwekwa kupotyechï komos akïtompöroryö kïpusata kutïngkot ntökïwutyeghö kaw.

ESEKEL 34:16

“Oyörotenan nyo kepot, ayokï nyo kamasta, asop nyo kömïrö arosöy nyo le chankulan orosan nyu nyo akwagh akï tïyam oyokuyenan chane man.

ESEKEL 34:4

Melö kötayangakwa chona le chankulan amasararakwanye cho ketongu amelö kyaropakwa cho kimïrisyö amayarakwanye cho kepotyö wölo angetakwa aghapghap apayta nyo gha.

ESEKEL 34:6

Kitoytoyö kechiryechan akupotyö kïghömï kutïngkot nko komos löwïr, kitoytoyechï kechiryechan ngwïny kïmïkul akï puryö chi nyo kiyarata chane.

ESEKEL 34:8

Lentöy Echotyon TORORÖT le ato osopan melö lïku kechiryechan panya tyonkïn cho pö wuw ompöwölo mötïngnye mösöwon, ompöwölo melö kayarata mösöwechan kechiryechan, kayang kegh mösöwö opïn melö kötö kïyang kechiryechan.

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

MATAYO 18:11

Ompöwölo kingwïn Wero Chi kïsörï pich cho kikupotyö.]

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

IGHISYEWUT 13:46

Kïngalan Paulö nko Parnapa ompö nyakanan lö, “Kömïchï kemwowokwa ngölyonto Tororöt nyo pö tagh. Wölo otini kataghakwa ye nyu, kï korwokyikwa kegh akwane achamakwa lö, merokonokwanye söpon pö kokay, kakïpïstokwa yenyu akepa koro punton.

IGHISYEWUT 18:6

Wölo otini kipech kumöl nyinte akumwa kïparta terïtyon ompö sïrokachi akïlenchï ompö ngal cho nïkisöch, “Ato opotyekwa ompöwölo mi Tororöt, kï akwane kegh cho onyoru kighechin! Megheghchinanïnye chi. Kïngeta ye kikowan omchinotö pipö punton.”

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 3:26

Kïlenyona kïkïl Tororöt akïyonï mötworintenyi Yeso kïnya kungwïnchokwa, atökusoyönokwa, kwighakwa omïlisyeghenö ortïnekwo cho ghach.”

1 PETRO 2:25

Kyalatekwa kechir cho kikupotyö, wölo kyoyokukwa kegh ye, atarïpa Mösöwon akï Ripinto mïkulöwekwa.