MATAYO 10:32 - PIPÏLIA

³² “Chi anka tïkwïl nyo portonanïn ompö tawu pich, oportonan nyinte tïkwïl lenyoni ompö tawuto Paponyan nyo mi yïm.

MATAYO 10:32 ပူးပေါင်းရင်းမြစ်များ

TUMWÖY 119:46

Omwotïteghonan kirwokutköku tawu pöytoghï amosïkanye arasï.

MATAYO 25:34

Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny.

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

YOANA 9:22

Kimwa yiyichi lenyoni, ompöwölo kiwagh chane pipö Yaudi cho kökikïchomnyechï lö ato töp chi anka tïkwïl ntökïmwatïta lö, Yeso kï Kristo,* ketulo kö pö saghat.*

2 TIMOTEO 1:8

Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.

1 YOANA 4:15

Ato mwagha chi anka tïkwïl kutinyi lö, Yeso kï Wero Tororöt, kïmi Tororöt kïmöngöy orinyi, akïmi nyinte kïmöngöy orito Tororöt.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.

1 SAMWEL 2:30

Lentöy ECHOTYON Tororöt pö Israel, ‘Nyoman oyomisön lö pöghisyeghwanïn kongu nko koto papongu kokay.’ Wölo ye nyu kölö ECHOTYON, ‘Mökumukonye lenyoni, ompöwölo okonyïtan chona konyïtanïn, kïkany chane cho sösanïn, osösan chane.