MARKO 8:31 - PIPÏLIA

³¹ Kutor kunet kinetankachi lö, “Wongu Wero Chi nyoman, töghöy nyinte poyï nko tïsï cho echön nko koneti kirurut, kïtïghöy nyinte kïma, wölo nyini kewer osiswö sömökï kututunö ngwen.”

MARKO 8:31 ပူးပေါင်းရင်းမြစ်များ

TUMWÖY 118:22

Kiwaghaka köghay kitagh tekï, kïlïkwï kinyiwut nyo wow.

ISAYA 53:3

Kikïsasacha nyinte aketagh, kimïkukönö nyinte nyarïl nko ngwonïn. Melö kimito chi nyo kilentöy taros nyinte, melö kikiyitöcha nyinte lö kigh.

OSEA 6:2

Konecha söpön nyinte ompö asispa odeny, tutwecha asis nyo pö sömök, tökemöngisyenö ompö tawunyi.

YONA 1:17

Atolapay kïyonta ECHOTYON koghoghwö nyo wow nyoman nyo kinyïkwïda Yona. Kitöpö nyu Yona muyo koghoghwö osis sömök nko nöngötuskökwa.

MATAYO 12:40

Ompöwölo kïle wölanye kitöpö Yona muyo koghoghwö nyo wow pöghetus sömök nko nöngötus sömök, kïtöpo tïkwïl lenyoni Wero Chi osis sömök nko nöngötus sömök kwenu ngwïny.

MATAYO 21:42

Kïlenchï Yeso, “Tomönye so osomönökwa Kikirut atay lentöy, ‘Kiwaghaka koghay kitagh tekï kïlïkwï pchöri kö. Echotyon nyo kigh ngölyontononi, akï pö töngönchin ato kïsïwecha?’ ”

MATAYO 27:63

akïlenchï, “Kïmicha echotyon, kenonöy lö kimwa kiyay lïsinto kïtomö kïma lö, ‘Otutunonan meghat ompö osis sömök!’

MARKO 12:10

Ayo tomönye osomönökwa Kikirutchï lentöy, ‘Kiwaghaka köghay kitagh tekï kïlïkwï kögh nyo pö kinyiwut.

LUKA 17:25

Wölo nyo pö tagh kuwongu nyinte nyoman akïtagh pïnete.

LUKA 24:26

Kimömïchïnye so Kristo* kuwongwï lenyoni kïtomö kïlït ororyenyi?”

LUKA 24:44

Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”

YOANA 12:48

Chi anka tïkwïl nyo töghanïn akïtagh ngalechan, kïtïng chi nyo rwokyini nyinte. Rwokyini nyinte asispa Söröm ngölyontononi komwowan.

YOANA 2:19

Kuyokyï Yeso lö, “Orule Köyï pö Tororöt pö saghat atasïwena lö otekan ngat ompö osis sömök.”

IGHISYEWUT 7:35

“Musa nete nyay kïtagh pipö Israel akïtep lö, ‘Ngo nyini keghinyi lïkuna pöytoghintencha nko kirwokintencha nya?’ Nyinte nyini kiyonï Tororöt kïlïkwï pöytoghin akïlïkwï ghetin, ompö kingarakata malaykayantanay kichumchï nyinte ompö sïrkwïray kinöghöy.

1 KORINTO 15:4

aketïp akututï asis nyo pö sömök kïrïp kegh nko Kikirut

1 SAMWEL 10:19

Wölo kataghakwa ye Tororötïnkwa nyo sörwokwa ompö nyörilwok nko ompö kömpölelutkökwo löwïr alekwa, kïmököy pöytoghin. Apkana nyu löwïr wölo mi ECHOTYON kïrïp kegh nko ortïnekwo nko kaporkökwo.”

1 SAMWEL 8:7

Kïlenchï ECHOTYON Samwel, “Tera ngal löwïr cho mwowunyi chane, ompöwölo melö kataghinyi chane, wölo kataghanïn alïkwan pöytoghintengwa.