MARKO 7:9 - PIPÏLIA

⁹ Kïlenchï Yeso chane ngat, “Nkotïngetekwa chïreryö nyo gha nyo oghöpöno kinetut pö Tororöt atamuka arïpa asïltinekwo.

MARKO 7:9 ပူးပေါင်းရင်းမြစ်များ

TUMWÖY 119:126

Asete kwasis nyo ighenyi kïgh, we ECHOTYON ompöwölo kenyar pich kirurutköku.

ISAYA 24:5

Kesïmnyon pich ngwïny ompöwölo kawaghach chane kirurut pö Tororöt, akïpeny muma* nyo kitöpo kokay.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

DANIEL 11:36

“Ighöy nyu pöytoghinto Sirya kïrïp kegh nko machatenyi. Kwolöy kegh akïsït kegh parak kïtïl tororötin löwïr. Akïtagh Tororöt pö tororötin kïngalana nyo gha. Sïkönonöy ntökwitïta asisoni, itïtoy nörekyo Tororöt.

DANIEL 7:25

Töghöy chane Tororöt nyo Töror, akïpïr pipö Tororöt nyo Töror Tya. Akumukyï kïwaghach kirurutkökwa nko osiswo ichontinekwa. Ketö pipö Tororöt morichi könyis sömök nko nïsï.

MARKO 7:13

Aghakwanyu ngölyonto Tororöt kïlïkwï kwïle ompö otöptinekwo cho kyonyorchï poyikwo, aghakwa tïkwïn walaka cho chang cho karkegh nko choni.”

MARKO 7:3

(Ompöwölo rïpöy Parisaytin nko pipö Yaudi löwïr kinetut cho kinyorchï chane poyikwa nyo momisïyicha kïtomö kewun morïn kïrïp kegh nko asïltineko poyikwa.

MARKO 7:5

Kïtep Parisaytin nko koneti kirurut Yeso lö, “Ompö ne tömörïpöy kinetanköku kinetut cho kikïnyorchicha poy? Kölö ne tökwomisïyi chane nko morïn cho le sïmnyon?”

RUMI 3:31

Ekuporu ye nyoni lö kikemötecha kirurut ompö kighanatengwa? Ewo, puryö, nyo kötökïmötonecha, kepïlilacha kirurut.

2 KORINTO 11:4

Ato ongörökyikwa chi kïtïkon nyo kengwïn kwomwokwa Yeso anka nyo sis melö nyï kyomtocha anta atakakwa mïkulögh nyo sis melö nyay kyatakakwa anta atakakwa lökoy walaka cho melö kyatakakwa!

KALATIA 1:14

Kyarïntan nyu piko korenyu cho kile pïntanyan cho chang otini kyomitan orïpöy kighanata pipö Yaudi, akilön kegh lasiny arïp otöptineko poyicho.

KALATIA 2:21

Mochömanye otöghöy pöropcho Tororöt, ompöwölo ntökitenöy chi nko Tororöt ompö kirurut, kï kima nyu Kristo kwïle!

2 TESALONIKE 2:4

Mölöy kïgh anka tïkwïl akïsyol kegh kïtïl kïgh nyo soghöy pich, anta nyo kïkïtïngchini kesoghöy. Lïtöy ompö Kö pö Tororöt* akïtöpö ori akwigh kegh lö ochï Tororöt.