MARKO 7:6 - PIPÏLIA

⁶ Kuyokyï Yeso chane lö, “Nyoman nyay kingorekwa werkoyonta Isaya chepölköstinechï otini kikikir lö, lentöy Tororöt, ‘Konyïtanïn pïchï ompö kutïw kwïle, wölo lowöch mïkulöwekwa ompö ani.

MARKO 7:6 ပူးပေါင်းရင်းမြစ်များ

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

ESEKEL 33:31

Akïpkonöy wölo imitenyi le ato pkonöy pung, akïtïpï tawungu le piköchan akïter ngal cho imwoghenyi, wölo melö ighöy ompöwölo poru ompö kutïwekwa lö chomöy, wölo sis wölo mi mïkulöwekwa.

YOANA 15:24

Ntökimelö kyaghan kwenunkwa ighisyewut cho kimöminye chitö anka nyo kigh, kitömötïngcha chane lelut: wölo kasïwa ye chane ngalechoni kyaghan, kïghöchanïn akïghöchï Paponyan tïkwïl.

YOANA 5:42

Wölo onkïtokwa, lö möminye chamata Tororöt mïkulöwekwa.

IGHISYEWUT 28:25

Kïnget kïpa akïmi kumölöy kegh achane, otini kökikuwang Paulö kïmwochï chane ngölyon akonga nyo kilö, “Nkïchï nyoman nyay kimwochï werkoyon Isaya papotïnekwa ompö owesyo Mïkulögh nyo Tïlil!

2 TIMOTEO 3:5

Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.

TITO 1:16

Lenchini kegh chane kinkït Tororöt, wölo ompö ighisyewutkökwa kï kikïtagh nyinte. Pich cho nyïghïtat kireyata, akï tighï nyo melö mïchini pöghisyö anka tïkwïl nyo karam.