MARKO 7:22 - PIPÏLIA

²² pïrchin nyo gha, köromnyö, lïsat, kelïkwï chepomu, ketora kipö chi kong, kiswomöt, kwolöto kegh nko sölwontön,

MARKO 7:22 ပူးပေါင်းရင်းမြစ်များ

2 OTÖPTINO OSIS 32:31

Otini kiyokwï pöytoghi Papilon pich kïpka kïtep nyinte ngala töngöchin nyo kigha ompö korononi, kïpïstö Tororöt nyinte onkït kïkarkar atökunkïtï kïgh anka tïkwïl nyo mi mïkulöwunyi.

TUMWÖY 10:4

Kwolöy kegh mwokïyon amöyongönye ECHOTYON. Nonöy lö, “Möminye Tororöt.”

TUMWÖY 119:36

Kono pïrchin pö kirwokutköku, melö sïkönöt nyo puryö kinyiwut.

NGÖTÏNYÖ 12:23

Wïngöy chïreryenyi chi nyo ngöghom wölo portoy sölwöy sölwontönengwa.

NGÖTÏNYÖ 22:15

Mi sölwontön mïkulöwu monïng, wölo yonöy sito pirirat kïlowitunö nyinte.

NGÖTÏNYÖ 23:6

Meam omisyo chi nyo tupu kinyi kong, amepïrchï omisyewutkachi cho onyïn,

NGÖTÏNYÖ 24:9

Ngokï kinonut pö sölwö akulilöy pich kichïmpisintö. Ngöghomnyö nyo pö tömönut odeny nko angwan

NGÖTÏNYÖ 27:22

Kïrkegh ketïgh chi nyo le sölwö ompö könö aketïghotïgh nko pagh, wölo möngetonye chichoni sölwontönenyi.

NGÖTÏNYÖ 28:22

Rïpchini sïkönöt chi nyo gha kong, akïmenkïtnye lö ityini nyinte meywontön.

OMTOGHIN 7:25

Oyokyan kegh asyach atonkïtï ngöghomnyö nko kïgh nyo poru tïkwïn cho ighisyot, ghöyityö kï sölwontön akï chepoynön.

ISAYA 59:13

Kakïpenyacha kirurutköku cho kakiwucha nyi aketaghinyi aketagh kerïpinyi. Kakïpïröcha pikö walaka aketaghacha nyi. Pö putintön kinonutköcha akï pö lïs ngalecha.

ISAYA 59:7

Omitekwa otötöy ghöyityö kïtenö osis amelö otïngetekwa pöroyïn nyo le ompö kite nyo oköngisïyi kïtomö amïltena kisön cho puryö lelut, pö tötutkökwa löwïr rïmöt. Rumuno ortïnekwa cho echön tïryolyö nko kiwurat.

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

MATAYO 20:15

Kömotïngetanye so man otötö tïkuchu le wölo komöktoy? Kelilinyi so köromïntanyan?’ ”

MATAYO 6:23

Wölo ato gha kontangu, kïmi tuwïn portöngu kïmïkul. Kïlenyona ato tuwïn löpoyïn nyo mi oringu, kïtuwitu nyu kïtya tuwïnoni!

MARKO 7:21

Ompöwölo pkono mïkulöwo pich ori kinonut cho ghach cho lata cheporesnan, chorsyö, pörsyö, atomi,

MARKO 7:23

pkono tïkuchï lapay ori chi akïchete cho ighöy chi kïlïku sïmnyon.”

2 KORINTO 10:5

Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,

KINONO KIRURUT 15:9

Orip kegh tömanan lö ompöwölo kikïlekïtit könyinay kïpïstoy pösönut arosekwa kong nyo gha pikökwa cho le mey amopösönchï kïgh chane. Atorirchï chane ECHOTYON ompö akwa kïlïkwï nyu ngokï ompö akwa.

KINONO KIRURUT 28:54

Ghöyitu chi ompö nyo kökonyïtote ompö osiswechoni pö kirikat ntökïmul pento montanyi ompö nyini le werïngwa nko korkenyi nyo le chamanenyi nko monechi cho köngötï, akï melö töni akonga ompö chane kïnyorï penyoni pö monechi, nyoni omöy nyinte.

KINONO KIRURUT 28:56

Ghöyitu korka ompö santenyi nyo kökonyïtote akunisönöy, ntökïmul omisyö werïnyi nko cheptanyi. Wowitu kömöy tya, ntökwam kokononi ompö wïnyat montanyi nyini kötökïyiyöy nko ompö nyini le parwe tïkwïl, ompöwölo kirik pung kanasyante ntökuwonyö omisyö löwïr.

1 PETRO 2:15

Ompöwölo machata Tororöt akarakwa kutïw pich cho ngölonöy sölwontön le pich cho mötïngcha chïreryö ompö ighisyewut cho karamach cho oghekwa.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”