MARKO 6:34 - PIPÏLIA

³⁴ Otini kingetunö Yeso melinay kïsïwa tuyot nyo wow, kusyon nyinte, ompöwölo kikarkegh tuyononi nko kechir puryö mösöwon. Kutor kunet chane ngal cho chang.

MARKO 6:34 ပူးပေါင်းရင်းမြစ်များ

1 PÖYTOGHÏ 22:17

Kuyokyï Mikaya lö, “Kasïwan pipö Israel cho pö lïk kitoytoyö ompö kutïngkot le kechir cho puryö mösöwon. Atolapay kïlö ECHOTYON, ‘Mötïngcha pïchï kintöghoghin, nya kïmïlonchö chane kestonikwa ompö kalya.’ ”

2 OTÖPTINO OSIS 18:16

Kuyokyï Mikaya lö, “Kyasïwan pipö Israel löwïr kitoytoyö ompö kutïngkot le kechir cho mötïnye mösöwon. Kïmwa ECHOTYON lö, ‘Mötïngcha pïchï kintöghoghin, nya kïmïlisyö kestonikwa ompö kalya.’ ”

ISAYA 13:14

“Pertoy pich atoni cho le pïnot cho möngöy Papilon kutöngöy wölini kipkana. Toytoyot chane le cheptirkich nyo kïyonöy ato kïsökosöy, akïlata kechir cho puryö mösöwon.

YEREMIA 50:6

“Karkegh piköchan nko kechir cho kimötö mösöwekwa kupotyechï komos akïtompöroryö kïpusata kutïngkot ntökïwutyeghö kaw.

ESEKEL 34:5

Kïlenyona kïtoytoyö ompöwölo kimöminye mösöwonta, kwam tïpö wuw kïchïpo.

SAKARIA 10:2

Sölwontön kwïle nyo mwowu körkeyïntin, mwoghöy chepsoköytin putintön, ngoröy chemöwostinekwa lïs akïkonekwa kikönöt nyo möminye. Nka nyay kimperölyotö pich le kechir, omöy nyarïl ompöwölo mötïngcha mösöwon.

KIYITUT 27:17

nyo ntöghoghchini chane kipa poryot akuyokwï, atömölïkwï piköku kechir cho mötïnye mösöwön.”

MATAYO 14:14

Kïngetunö Yeso meli, otini kisïwa nyinte söpïch nyo mamïnïng, kusyonchï akusop pikökwa cho kikösisyote.

MATAYO 15:32

Kïkur nyu Yeso kinetankachi akïlenchï, “Osyonchinan pïchï, ompöwölo kötïpïyö chane nko ani osis sömök akïtomöcha kwam kïgh amochömanye oyontoy chane kïtomö kwomisyö, tömam kömöy chane kïpetöy kestonikwa.”

MATAYO 9:36

Kikany kisïwa nyinte söpïchis, kusyonchï nyinte chane nyoman, ompöwölo kyoghochö akïtoytoyö le kechir cho kipuryö mösöwon.

MARKO 6:33

Kïsïwa pich cho chang chane kïpetöy kunkïtï lö ompö ngo chini, kïryagh kïpegha kelyön. Kingetunö kanastin löwïr, akïpa kinya Yeso tagh nko kinetankachi.

MARKO 6:35

Akwotini kirich kwimön, kïpechï kinetankachi Yeso akïlenchï, “Siriron wöl, akwanyï kikwïmön.

MARKO 8:1

Kiryam ompö osiswechoni tuyogh nyo wow ngat, akïmötïngcha omisyö, kïkur Yeso kinetankachi akïlenchï,

MARKO 8:2

“Kesyonanïn pïchï kakïtïpïyö nko ani osis sömök, akwanyï mötïngcha kïgh nyo omöy.

LUKA 9:11

Kikany kïlïm söpïchischay wölo kitany Yeso, kïrïp kïpa nyinte. Kïtak Yeso chane akïngölonchï ngala Pöyunöto Tororöt akusop pich cho kimököy kisopöt.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.