MARKO 5:30 - PIPÏLIA

³⁰ Kïnyini lawel kunkïtï Yeso lö köweghö nyinte owesyö. Kïwaghaka kïparta söpïch akïtep lö, “Ngo nyï kaswany sïroköchan?”

MARKO 5:30 ပူးပေါင်းရင်းမြစ်များ

MARKO 5:31

Kïlenchï kinetankachi, “Mesïwïyenyinye so lö chang pich cho köpïrinyi, irïpönyi ilentöy ngo nyï kaswanganïn?”

LUKA 5:17

Kinetisyegho asistanka Yeso wölo kimi Parisaytin nko koneti kirurut cho kipkana kanastin löwïr cho pö Kalilaya nko Yudea nko Yerusalem. Kutö Tororöt Yeso owesyö nyo sopo pich cho kichiryote.

LUKA 6:19

Kïlenyona kïyar söpïchay or nyo kimuköy tökïswany nyinte ompöwölo kingwïno orinyi owesyö nyo kisop chane löwïr.

LUKA 8:46

Wölo kïlö Yeso, “Onkïtön lö kaswanganïn chi, ompöwölo köweghenanïn owesyö.”

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.