MARKO 4:32 - PIPÏLIA

³² Wölo otini kakïkatkat, kïghya akïpit kïlïkwï ket nyo wow kïtïl keti walaka lapay, kïpit akïsach morichi cho chang cho muköy töritwö kïtek korikwa.”

MARKO 4:32 ပူးပေါင်းရင်းမြစ်များ

TUMWÖY 104:12

Teköy töritwö korikwa ket cho pö atoni, akupilchini morikwa akïtum.

TUMWÖY 91:1

Chi nyo mi ori pö ECHOTYON nyo Töror Tya, nyo wuro kegh Kimuktoghin,

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

TUM PÖ TUMWÖY 2:3

Le wölo lata ket pö mïrkïtwö ompö wuw, kïlenye nyoni chamanenyan ompö chumwak. Oturönan nyoman otini otöponan ngwïnyito rurwenyi akwonyïne akwechi ompö ani ochömchöman.

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

LOK 4:20

Kitorchï chane morïn pöytoghintencha nyo kikïl ECHOTYON, kikitwoytocha kegh pöytoghintononi le kimïny nyo ighecha kesöpchenö. Akï nyo kikikönecha lö nyinte onkït, nyo sörwecha ompö pungköcho.

ESEKEL 17:23

Okötkötyinan kutïng pö Israel parak. Tökuyin akwa akïrïr, yetu törokwonini nyoman akumungö ori töritwö nko tïpö wudin.

MATAYO 13:32

Mïnïng kösïghyonte kïtïl kösïgh löwïr, wölo otini kapit, kï wowitu kïtïl ket löwïr akïlïkwï ket nyo wow nyo pkonöy töritwö kïteköy korikwa morichi.”

MARKO 4:31

Karkegh nko kösïghyonto ket pö aradali, nyo mïnïng kïtïl kösïgh lapay ompö ngwïny kïmïkul.

MARKO 4:33

Kwomchï Yeso pich ngalechi ompö ngötïnyö cho chang cho lata choni, kïle wölo kimï chane kïlïmta.