MARKO 2:17 - PIPÏLIA

¹⁷ Kïkany kïlïm Yeso kïlenchï chane, “Melö möröy pich cho karamach chepsakïtyan, kïpoto chona chiryot. Kimangwïnanye okur pich cho pö man wölo kyangwïnan okur mwokïyis.”

MARKO 2:17 ပူးပေါင်းရင်းမြစ်များ

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

LUKA 15:29

Wölo kïlenchï kwanta, ‘Nane lö könyis ata chaye kyopöghisyewunyi le sekeyon, amelö mi ompö asis akong, nyo kyapenyan ngaleku. Kunko tomönye konaninyi nyo le ompö wawa aran ayeng angarak nko kongotichu.

LUKA 15:7

Kïlenyoni tïkwïl, wow tya ngörekyö ompö yïm ompö mwokïyon akonga nyo kötoy ngokichi, kïtïl pich 99 cho lenchini kegh kïchï karamach amöchömöy kïkötoy ngokikwa.

LUKA 16:15

Kïlenchï Yeso chane, “Akwa chay oghekwa kegh lö, kïchï karamach ompö tawu pich, wölo nkït Tororöt lö ochikwa pich ne. Ompöwölo tïkwïn cho kusöy pich, kï samï ompö tawu Tororöt.

LUKA 19:10

Ompöwölo kingwïn Wero Chi kïmar akïsörï cho potyote.”

YOANA 9:34

Kïlenchï pïchay, “Ichinyi ngo terurechanyi nya chi nyo kikïyiyïn ainara ngokï?” Atolapay kutul nyinte kïwö sany.

YOANA 9:40

Kïtepsyö Parisaytine walaka cho kimi nko nyinte ato kimwoghöy nyinte ngalechoni lö, “Imökenyi mwoghe so lö kïchicha köryöte tïkwïl?”

IGHISYEWUT 20:21

Kyorirchan pipö Yaudi nko pipö punton löwïr lö okötenö ngokikwo amïlonchö wölo mi Tororöt, aghan Echotyontenyo Yeso.

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.