MARKO 16:16 - PIPÏLIA

¹⁶ Chichona ghönöy akepatisan kesöru akï nyo meghönönye kerwokyini.

MARKO 16:16 ပူးပေါင်းရင်းမြစ်များ

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MARKO 1:15

kïlentöy, “Kikwitïta osiswö, kirikwï Pöyunöto Tororöt, okötenö ngokikwo, aghan Lökoy cho Karamach.”

LUKA 8:12

Kösïghechïnö kichïnchï arawet kï pich cho lïmöy ngölyonte, wölo kungwïn Onyötö kïchenga ngölyontonay mïkuliskökwa lö tömeghan akesörï chane.

YOANA 20:31

Wölo kakikir ngalechete atamukakwa aghana lö, Yeso kï Kristo* Wero Tororöt, akwoto aghanakwa, osïkekwa söpon ompö kaynenyi.

YOANA 3:36

Tïngeto söpon pö kokay, chi nyo ghönöy Wero Tororöt wölo mösïwïyinye söpon nyo möterchininye Wero Tororöt ngalechi, poto nörekyo Tororöt nyo töpo parakunyi kokay.”

YOANA 3:5

Kuyokyï Yeso chichay lö, “Omwowunyi nyoman lö möminye chi nyo muköy kïlïtöy Pöyunöto Tororöt kïpoto ato kïyï nyinte ompö pögh nko Mïkulögh.

YOANA 5:24

“Amwowokwa nyoman lö anka tïkwïl nyo lïmöy ngalechan akughan nyinte nyo kiyokwanïn, kïtïng söpon pö kokay. Melö kirwokyini nyinte, wölo kakïngetunö meghat akïlït söpon.

YOANA 6:29

Kuyokyï Yeso chane lö, “Anyï ighisyö nyo möchokwa Tororöt oghe: aghanakwa chichoni kiyokyï nyinte.”

YOANA 6:35

Kïlenchï Yeso chane, “Ochan makatyanta söpon. Momönye kömöy chi nyo ngwïnöy wölo omitan akï momönye maral chi nyo ghönanïn.

YOANA 6:40

Ompöwölo mököy Paponyan lö tösïch pich löwïr söpon pö kokay cho sïwïyi Wero Tororöt akughan nyinte ataghan chane kututu asispa söröm.”

YOANA 8:24

Nka nyay komwowokwa lö omeghsokwa ompö ngokikwo ato maghanakwanye lö, ‘Ochan nyinte,’ omeghsokwa ompö ngokikwo.”

IGHISYEWUT 10:43

Kïngalana werkoy tïkwïl nyinte, kïmwa lö chi kïtïkon nyo ghönöy nyinte, kelöstoghchini ngokichi ompö kaynenyi.”

IGHISYEWUT 13:39

ankïtï nyu lö anka tïkwïl nyo ghönöy nyinte, ketyoko ngokichi löwïr cho kimemuchönye kutyoköy Kirurut pö Musa.

IGHISYEWUT 13:46

Kïngalan Paulö nko Parnapa ompö nyakanan lö, “Kömïchï kemwowokwa ngölyonto Tororöt nyo pö tagh. Wölo otini kataghakwa ye nyu, kï korwokyikwa kegh akwane achamakwa lö, merokonokwanye söpon pö kokay, kakïpïstokwa yenyu akepa koro punton.

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

IGHISYEWUT 2:41

Kïlenyona, kepatisan chane cho kicham ngölyontenyi pich cho ngata 3,000, kïtösisyö pich asisoni.

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

RUMI 3:6

Ewo! Ntökömelö ighöy man Tororöt köterwokyini nyu ngwïny lö ne?

RUMI 4:24

wölo ngölono parakuncha tïkwïl, acha cho kikeyitwech man, ompöwölo kighönecha Tororöt nyo kingetunö Echotyontenyo Yeso ngwen.

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

2 TESALONIKE 2:12

atökurwokyï asïyech Tororöt pich löwïr cho kimeghancha ngala man, ompöwölo kingörekyï chane ngokï.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”