MARKO 14:72 - PIPÏLIA

⁷² Wölo nyini kitomönye kuwany, kïwach kokorochö nyo pö odeny, kunan Petro ngölyontonay kimwochï nyinte Yeso lö, “Itiyonaninyi kïnyïl sömök lö, menkïtanïnyinye kïtomö kïwach kokorochö kïnyïl odeny.” Kïlok nyu Petro ompö ngwonïn.

MARKO 14:72 ပူးပေါင်းရင်းမြစ်များ

2 SAMWEL 24:10

Otini kikïcheng Daudi kiyitutchay pö pich, kusus kegh ompö kinonsyewutkachi akïlenchï ECHOTYON, “Kaghan ngokï cho ghach ompö kïyï. Wölo osoghinyi, we ECHOTYON lö, chenga lelutyo mötworintengu, ompöwölo kaghan ompö sölwontön.”

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

ESEKEL 36:31

Ononekwa nyu ortïnekwa cho ghach nko ighisyewutkökwa cho melö kikaramach, kulilekwa nyu ghöyitwokökwo nko ighisyewutkökwa cho kïkïröy.

ESEKEL 7:16

“Ryöghchini pich cho köchïwïtyö kutïngkot le cheptuken cho kakyotyeghö ompö mpöghoghöy, akïsönön anka tïkwïl ompö ngokichi.

MATAYO 26:34

Kïlenchï Yeso, “Omwowunyi nyoman Petro lö itiyonaninyi oghonete kïnyïl sömök kïtomö kïwach kïrpö kokoroch.”

MARKO 14:30

Kïlenchï Yeso Petro, “Omwowunyi nyoman lö, kïtomö kïwach kïrpö kokoroch kïnyïl odeny itiyonaninyi kïnyïl sömök.”

MARKO 14:68

Kïtiyö Petro lö, “Monkïtönye, amöpköchinanïnye kini imwoghenyi.” Atolapay kïwechï kegh kïlït or, panini lawel kïwach kïrpö kokoroch.

MARKO 14:71

Kutor kïchïp kegh akïlö, “Monkïtönye chichoni ongölononekwa!”

LUKA 22:60

Wölo kuyokyï Petro lö, “Wena, monkïtönye kini imwoghenyi.” Panini lawel, kïtomö kuwany kïngalan, kïwach kïrpö kokoroch.

LUKA 22:62

Kïlenyona kïngeta Petro ataye kïwö sany atolapay kusyonchï kegh akïloch nyoman.

2 KORINTO 7:10

Ompöwölo ipu kiwongunötö nyo pöghisyegho Tororöt waghakata mïkulögh, waghakat nyo ipu sörunöt akï möminye otyogh ompö nyoni! Wölo ipu kiwongunöto ptangengmöt meghat.