MARKO 13:14 - PIPÏLIA

¹⁴ “Ato asïwekwa kïgh nyo gha nyo kipolpolöy ketö wölo melö keroko kïmi, nya kïpköchï chi nyo somönöy ngalechï, akany kïryagh pich cho mi Yudea kïpus kutïngkot.

MARKO 13:14 ပူးပေါင်းရင်းမြစ်များ

LOK 1:10

Kasara Yerusalem pungkachi mökosyengwa lömïs nyo kitigho kegh kitopön pipö punton kïlïtöy Kö pö Tororöt wölo kitagha ECHOTYON chane kïlïtöy.

ESEKEL 44:9

Kïlenyona lentöy Echotyon TORORÖT, “Kïkïröy kïlït Konyan ton anka tïkwïl nyo le somchon ompö mïkulögh nko ompö por ompö to löwïr cho möngöy nko pipö Israel.

DANIEL 11:31

Sïmnyonöy pipö lïkenyi Kö pö Tororöt nko nïyetkö akïtagh amörostin cho kïpelöy kïnomnyö. Akutö körkeyïn nyo pö otyogh.

DANIEL 12:11

“Weröy osiswö cho le 1,290 kïngata otini kakïtagh ketötö amörostin cho kïpelöy kïnomnyö aketö körkeyïn nyo pö otyogh ntökwit asispa nyarïl nyo wow.

DANIEL 8:13

Alïman malaykayan nyo kïtep anka lö, “Tösöy tagh tïkuchï mi sïwïyagh nko oyï? Ighöy chane ngokï nko oyï kötö pelöy amörostin? Kïtyökotyököy lïko yïm nko Kö pö Tororöt nko oyï?”

DANIEL 9:27

Omöy pöytoghintononi muma nko pich cho chang ompö könyis mut nko odeny, ompö kwenu könyiswechoni kïtagh amörostin nko ropöw, ketö körkeyïn nyo pö otyogh Kö pö Tororöt akïtöpö atoni ntökïtenö kïma nyinte nyo kitö atoni lenyini kimwa Tororöt.”

MATAYO 13:51

Kïtep Yeso chane lö, “Kopköchokwa ngalechï löwïr nya?” Kuyokï lö, “Owöy.”

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

NGONGUT 1:3

Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

NGONGUT 13:18

Mïchini nyu ompö atoni kïpöghisyeghö chi ngöghomnyö! Anka tïkwïl nyo ngöghom kumuköy kunkïtu nampa nyo pö tyonyoni, ompöwölo poru lö kaynata chi nyoni. Nampanoni kï 666.