MARKO 13:11 - PIPÏLIA

¹¹ Akwato namakwa akipokwa ka kirwok, kïmosus kegh lö, kïpetöy kemwoghöy ne, wölo omwoghekwa ngölyon nyo kïkonokwa panini keti asisoni. Ompöwölo melö ngalekwa cho ongölonekwa, konokwa Mïkulögh nyo Tïlil kïgh nyo omwoghöy.

MARKO 13:11 ပူးပေါင်းရင်းမြစ်များ

2 SAMWEL 23:2

Ngölonöy Mïkulöwu ECHOTYON kuwerwanïn, ongölonenan ngölyontenyi nyo mwowanïn.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

MATAYO 10:17

Orip kegh, ompöwölo pkonöy pich cho nömokwa akumïtyokwa ka kirwok, mungokwa chane ompö korikwa pö sowut.

MARKO 13:12

Wïchtoy chi werïngwa kepar akï wïchtoy papo tïkwïl montanyi. Pusyini monïngö yiyikwa akïwïchtö chane kepar.

MARKO 13:9

“Orip kegh ompöwölo kipokwa ka kirwok, Kïmungonekwa kori sowut. Oghyongonekwa tawu kirwokot nko pöytoghï akwompö ani, atomchinö chane ngalechan.

LUKA 21:12

Wölo kïtömö kwighisyö ngalechoni kïnömokwa akechopokwa kong. Atolapay ketötokwa tökerwokwok ompö kori sowut aketorchok chela. Kimïtinokwa tawu pöytoghï nko yetïntin akwompö kaynenyan.

YOANA 3:27

Kuyokyï Yoana chane lö, “Memuchönye chi ntökïtach kïgh kïpoto ato tö Tororöt.

IGHISYEWUT 2:4

Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

IGHISYEWUT 3:13

Tororöt pö Apraam nko Isak nko Yakopo Tororöt pö papotïnecho nyo kegh, Mötworintenyi Yeso kwororit. Yeso nyo Kyotötekwa ataghakwa nyinte ompö tawu Pilato, otinö kimököy Pilato kutyoku nyinte.

IGHISYEWUT 4:31

Nyini kuwany kïsoghöy, kïpotan atoni kinyoryeghö chane. Kenyïghit chane Mïkulögh nyo Tïlil, akïngalan ngölyonto Tororöt ompö nyakanat.

IGHISYEWUT 6:10

Wölo kitö Mïkulögh nyo Tïlil Stepano ngöghomnyö nyo wow, nyo otini kingalan kïmökumïcha kïrïnta nyinte.

IGHISYEWUT 6:15

Kungwïryel Stepano pïchay lapay kimpuröy Kokwö, kïsïwa tokochunyi lö kilata tokochu malaykayan.

IGHISYEWUT 7:55

Wölo kinyïghitate Mïkulögh nyo Tïlil Stepano, kuros yïm akïsïwa ororyo Tororöt nko Yeso nyo kighyongo ewu tagh nyo pö Tororöt.

1 KORINTO 2:13

Kïlenyona, melö kinetecha ngal cho kikinetecha ompö ngöghomnyo ptangengmöt, wölo ngal cho kinetecha Mïkulögh, otini kïmitecha kenetöy ngala man cho pö mïkulögh ompö pich cho tïng Mïkulöwu Tororöt.

EPESO 3:5

Kitomönye kupurchï Tororöt pich könyisok kunkïtï wïngutyononi, wölo köngongchï ye Tororöt kiyoktoghï cho tïlilöch nko werkoykachi.

YAKOPO 1:5

Wölo ato mi chi akong kwenunkwa nyo rörchinote ngöghomnyö, kïmïchini kïsom Tororöt, nyo töni pich lapay kuwayta kïrïp kegh nko pöropchenyi, atökutö nyinte.

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.