MALAKI 4:2 - PIPÏLIA

² Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

MALAKI 4:2 ပူးပေါင်းရင်းမြစ်များ

2 SAMWEL 23:4

kulïwchini chane le löpoyïn pö tökwoghö, le asis nyo möminye polta, nyo ighöy sus kusïl otini kepech korö.”

TUMWÖY 103:3

Löstoghwanïn ngokichu löwïr akusopöy sömewutköchan löwïr.

TUMWÖY 147:3

Sopöy pich cho kimeghö mutïnö akïrat moyokökwa.

TUMWÖY 61:5

Kelïmanyi kiwolwolutköchan, we Tororöt, akekonaninyi mïlat nyo pö chane cho konyïtinyi.

TUMWÖY 67:1

Isyonchecha, we Tororöt, aisoyönecha, itopönecha ompö köromnyö,

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUMWÖY 85:9

Nyoman söru pich cho konyïtöy nyinte, atökïtöpö ororyenyi korencha.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 35:6

Komtoy cho ngwolsot akudanga. Teghyot pich ompö ngörekyö cho le kïmanytin, ompöwölo yintegho pögh kor wölo le surkwen,

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

ISAYA 53:5

Wölo kikitwarï kïkarerana por mungö nyinte ngokicha, kikïmungö ngokï cho kikighacha. Kakïsöpchecha ompö kichopat nyo kiwongunö nyinte, akesöpchchecha nyu ompö kitwarunatenyi.

ISAYA 9:2

Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

YEREMIA 17:14

Sopante, we ECHOTYON tosöpön lö chïkïl. Sörwante atonyorï sörunöt ompöwölo nyi onkït nyo osölan.

YEREMIA 30:17

“Ongörokinyi sïkö ngat kisön cho karamach ongwïnan osopöy moyoköku. Ompöwölo kïmïninyi punköku kïlentöy, ‘Sayon* nyo puryö nyo yongöy.’ ” Mwoghöy ECHOTYON.

YEREMIA 33:6

“Wölo kïrkeghnye so choni löwïr, itïtoy ato ongwïnan osopöy pipö kanasyantanete. Ongörokan chane tökulet nyo karam akïtïpï ompö kalya.

ESEKEL 47:12

Pityegho ketï löwïr cho kyomöy lalwa antakwagh nko antakwagh. Melö rörochot sökekwa yinöy akwa kokay ompö arawa anka tïkwïl ompöwölo pkono pöghechini gheghöy chane Kö pö Tororöt, kyomöy akwekwa akïlïkwï sakït sökekwa.”

OSEA 6:1

Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

MALAKI 3:16

Atolapay kïngölonchinö pich cho kiwöghöy ECHOTYON. Kïter nyinte akïlïm ngalanengwa atolapay, ompö tawunyi, kekirchï kitapu kinanat kaynötut pö pïchoni kiwoghöy ECHOTYON akïkonyïtöy kaynenyi.

MATAYO 11:5

Kerosïta chepkarotonoy akïpesïta pich cho ngwolsot, kakesop pich cho amate psenkwet, kalïm ngal cho le cheminytin, kakigh cho kökimeghö kututï akyomchï mey Lökoy cho Karamach.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

LUKA 1:50

Akïtöpo kisyonötenyi nko pich cho konyïtöy nyinte ompö pïnwöy löwïr.

LUKA 1:78

tïng Tororötïncha kisyonöt nko tölosyö, ighöy kenyorunöcha löpoyïn nyo ngwïno yïm,

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 1:4

Kimi söpon nyinte aki löpoyïn pö pich söpononi.

YOANA 1:8

Melö ki löpoyïntö nyinte, wölo kingwïn kïsöwintönchï löpoyïnoni.

YOANA 12:40

“Kimolul Tororöt konyikwa akwigh mïkulöwekwa kwoghïghitu atömasïwegha konyikwa anta sïkunö mïkulöwekwa, akïwöghökisyö wölo omitan, atosopön osop chane.”

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

YOANA 9:4

Mïchinecha kegha pöghisyewut pö nyinte nyini kiyokwanïn kïtökïpöghet, ompöwölo itu nangatï ato mökumukönye chi kïpöghisïyi.

IGHISYEWUT 13:26

“Kïlenyona, werköcho, cho ochï monïngo Apraam nko pichi walaka tïkwïl cho mi kwenunkwa cho konyïtöy Tororöt kakwitwech ngölyontonï pö sörunöt.

IGHISYEWUT 13:47

Ompöwölo lenye nyoni wölo kimwowuntecha Echotyon lö, ‘Kotöninyi lïkuna löpoyïn pö punton, atepchinö sörunöt ngwïny kïmïkul.’ ”

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

2 TESALONIKE 1:3

Mïchinecha, tupchenicho keyokyine Tororöt sörö kïtenö osis ompö akwa rokonecha kegha lenyoni, ompöwölo mi kighanatenkwa kïyetu nyoman akïmi chomnyenkwa kïtöso ompö pikö walaka.

2 PETRO 1:19

Aketïngetecha man ompö lökoy cho kimwowï werkoy. Nyo oghekwa nyo karam ato arïpakwa ngalechoni, ompöwölo karkegh nko kitömöwon nyo lïwuno wölo tuw ntökïtenö kuwas Asisoni akulïwchï mïkuliskökwa löpoyïn pö Kristo le wölo lïwchini kiwasan tapogh pö ngwïny.

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.

1 YOANA 2:8

Wölo kakirwokwa ye kirurut nyo rel ompöwölo kïsöchini mantanyi ori pö Kristo nko orinkwa tïkwïl. Ompöwölo mi tuwïn kuweröy, akikulïwï löpoyïn pö man.

NGONGUT 11:18

Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 2:28

atöninan chane tapogh.

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 22:2

Kiyintoy lalwanoni kuweröy kwenu ara mït nyo pö kanasyan. Kimito ket pö söpon lalwanoni antakwagh nko ontökwowu, nyo yinöy akwa kïnyïl taman nko odeny ompö köny akonga akwotini yinöy ompö arawa anka tïkwïl. Sakït söko ketoni cho sopöy pipö punton.

RUS 2:12

Nya kuyokun ECHOTYON choni lapay kighanyi, akïkonïn ECHOTYON Tororöt pö Israel ropöwon nyo wow nyo kengwïnanyi irïpchï nyinte tökïyetïn.”