MALAKI 4:1 - PIPÏLIA

¹ Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

MALAKI 4:1 ပူးပေါင်းရင်းမြစ်များ

AYUPU 18:16

Yomsot ighinkachi ompö ori akïyomö sökechi.

TUMWÖY 119:119

Ilöstonenyi mwokïyis pö ngwïnyinï löwïr le samï, nka nyoni ochöman kirwokutköku.

TUMWÖY 37:9

Kipïstoy mwokïyis, wölo nyoru pich cho könöy ECHOTYON kor.

WUWÖT 15:7

Irïntonyi punköku ompö owesyeto ororyengu, iyontonyi nörekyengu kïpel chane le sus.

ISAYA 40:24

Kikongityot chane nko onkïy cho nyörkölöl cho kötökïpitöy ighin. Nyo otini kakutï ECHOTYON yomat, kïyomö akekutïta le mopö.

ISAYA 41:2

“Ekï ngo nyini kimïtuna chi nyo awes kongasis, akwigh nyinte kïrïnta pungkachi ompö woptin löwïr? Ngo nyini töni nyinte owesyö nyo rïntegho pöytoghï nko pipö punton? Pöro chane chokenyi kïtïryalit le terïtyon. Toyegho chane kotichi le mopö cho kakut yomat.

ISAYA 47:14

“Lata chane mopö cho kiyomö, pelöy ma chane lömïs! Amemukönye ompö ntökïsörï kegh chane, ompö lyopöt pö mayoni nöghöy. Melö ma nyoni nyo lentöy chi oyïwöy, melö ma pat nyo töni chi lölöngyö!

ISAYA 5:24

Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

ISAYA 9:18

Ompöwölo nöghöy ghöyityo pich le ma, nyo wuröy tapalak nko kato. Pelöy kïkarkegh nko ma nyo nögho wuw, nyo yumtoy kegh parak akuyen yïm le poltoy.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

ESEKEL 20:38

Ochengan pich cho le penyi ompö akwa nko pich cho ighwanïn ngokï, opunenan chane koros cho möngöy, wölo melö lïtöy koro Israel. Onkïtunekwa nyu lö ochan ECHOTYON.”

ESEKEL 21:32

Wonyekwa ma. Akemïltegho kisönkökwa korenkwa, amöminye chi nyo tökunonokwa kokay.’ ” Mwoghöy ECHOTYON.

ESEKEL 24:11

Atolapay itigh töro tay kile kïnagh tökula löchwat tökïnagh wölo le nyïngwïtyan akïyï kuyinta sïmnyontenyi ompö ma akuwonyö wölo kikwam kutï.

ESEKEL 34:17

“Lentöy Echotyon TORORÖT, kïnyïl akwa okwotïnyu, ani nyo orwokyini kech nko kech anka, mökol nko kwoghe.

ESEKEL 7:10

“Arose kikutomï kiwonyoghtönkwa, kiyetï rïmö nko menotön.

YOEL 2:1

Akuta kontï ompö Sayon,* kutïngtönyan nyo tïlil. Nya kïpotonchö piko kore kïmïkul. Ompöwölo ngwïnöy asispa ECHOTYON lawel.

YOEL 2:31

Wengo asis kïtuwitu pïrïritu arawa le kisön kïtomö kwitï asisoni pö ECHOTYON wow akï pö otyogh.

AMOS 2:9

“Wölo kawanyan pipö Amori ompö tawungwa, pïchï koghöch le tarakit akwowesöch le ket cho ongeröch. Kyanyaran akwechi ompö yïm, adïngön tikitkö ompö ngwïny.

OPADIA 1:18

Ngwonöchitu pipö ara Yakopo nko cho pö Yosep le ma! Wongöy pipö ara Esau le wölo pelöy ma mopö. Möngötunye chi pö ara Esau ompö akong Ighisot ngalechï lenyoni kamwaghan.

NAUM 1:10

Kïpelöy chane le wuw pö kato, nöghyot le mopö cho kiyomö.

SEPANIA 1:14

Kikïrikï asisoni mamïnïng pö ECHOTYON, kikïlekïtit nyoman, anyona kikwitï kukat! Ngwonöch ngala nyoman asisoni, ompöwölo riryot akïmeghö mutïnö ompö chini le nyökon!

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

SAKARIA 14:1

Arosa, kikïrik asispa nörekyo ECHOTYON! Pkonöy pung kïchengöy tïku kanasyanta Yerusalem akïchöghchï kegh kurosu chane.

MALAKI 3:15

Lentöy chi pich cho kisoyönöy kï pich cho le menet. Pich cho le mwokïyis cho kisoyönöy akï kïrkegh kïtyam chane Tororöt, puryö kïgh nyo kidoy chane.’ ”

MALAKI 3:18

Pkönchinokwa nyu ngat asisoni lö mi sisïn kwenu pipö man nko mwokïyis nko kwenu chi nyo pöghisyechini Tororöt nko melö pöghisyechini.”

MALAKI 3:2

Wölo, ekïngo nyu köny nyo köngöy asisoni ngwïnöy nyinte? Ekïngo nyo lentöy oghyongöy, akany otini chumu nyinte? “Karkegh nyinte nko ma nyo ngwan nyo pelöy nyïngwïtyan ntökïyï karïn akï karkegh nko sapuni nyo kiwunö sïro.

MALAKI 3:3

Ngwïnöy nyinte kurwokyini pich le chi nyo wunöy akutïlil silpa. Tïlilöy pipö ara Lawi cho le tïsï atökumï kwipchï ECHOTYON ropöw cho tenote.

MALAKI 4:5

“Arosa nyu! Oyonunan werkoyon Eliya kïtomö kwitï asispa ECHOTYON, asis nyo pö otyogh nyo wow nyoman.

MATAYO 3:12

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

LUKA 19:43

Pkonöy osiswö cho rikinyi punköku lö tïlkwïch akïkörchinyi ori tömökïminye wölo ilïtunonenyi.

LUKA 21:20

“Ato asïwekwa kuwitwit lïkoswö cho reyö kegh Yerusalem, onkïtï lö, kirich kiwuratenyi.

LUKA 6:23

Oturönchenö adangony ompö ngörekyö ato itï choni, ompöwölo wow ropöwontenkwa nyo mi yïm. Lenye nyoni wölo kida papotïnekwa werkoy cho kimwoghöy ngala Tororöt.

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.