MALAKI 3:6 - PIPÏLIA

⁶ “Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.

MALAKI 3:6 ပူးပေါင်းရင်းမြစ်များ

TOWUNÖT 15:18

Kam ECHOTYON muma* nko Apram asisoni lö, “Otöninan moneku koronete kïmïkul, kïngata lalwa Misri ntökwit lalwanay wow kïkuro Yuparet.

TOWUNÖT 15:7

Atolapay kïlenchï Apram, “Ochan ECHOTYON nyo kyamïtuneninyi Ur nyo pö Papilonia atokoninyi koronete atemïla.”

TOWUNÖT 22:16

kïlenchï, “Lentöy ECHOTYON, kaman muma ompö kaynenyan ante kegh lö, ompöwölo keghanyi lenyoni amelö keghetenaninyi werïngu nyini le akonga,

TUMWÖY 102:26

Weröy choni, wölo ingötunyi, wïryot chane le sïro aiwirtonenyi chane le sïrochoni akupotyö chane lö weng.

TUMWÖY 102:27

Wölo imitenyi lenyoni kokay, melö tïng könyisweku söröm.

TUMWÖY 102:28

Tïpisot monïngo mötworiku ompö kalya akïtïpisot pikökwa, wölo tïghume kïnomnyö ompö tawungu.

TUMWÖY 103:17

Wölo mi chomnyo ECHOTYON kokay nko pich cho wöghöy nyinte kïnomnyö akïmi köromnyenyi nko pïnwöy löwïr,

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat

TUMWÖY 78:57

Kimostoy chane akïrïp otöptineko papotïnekwa cho kipuryö kighanat, kïchumponchö le kotöt nyo mörkel.

ISAYA 41:13

Ochan ECHOTYON Tororötïnkwa nyo okilokwa lö, ‘Mowöghisyö, ongörochokwa.’ ”

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

ISAYA 46:4

Ochan Tororötïnkwa akomönokwa, ntökïtenö angaghakwa karwal. Kyaghakwa aripokwa, ongörokokwa asörwokwa.

YEREMIA 32:27

“Ochan ECHOTYON, Tororöt pö pipö ngwïny kïmïkul. Möminye kïgh nyo pölanïn.

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

OSEA 11:9

Oyodenan nörekyenyan melö towurtenan Epraim ompöwölo ochan Tororöt melö ochan ptangengmöt. Ochan Tororöt nyo Tïlil nyo mi nko akwa melö ongwïnan owonyokwa.

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

KIYITUT 23:19

Melö lenye Tororöt chi nyo mïröy put? Amelö lenye chi nyo wöghököy ngalechi. Ato kimwa kwighöy akupuntoy kïgh nyo kiyomis.

RUMI 5:10

Kikïchicha pung pö Tororöt wölo kikulinyecha nyinte ompö ara megheto Werïnyi. Otï ye kikelinyecha nko Tororöt, mösörwechanye nyinte tya ompö söpon pö Kristo?

PILIPI 1:6

Onkïtön nyoman lö puntoy Tororöt nyini kitor pöghisyononi karam ompö orinkwa otinö kamïla Kristo Yeso.

EPRANIA 13:8

Karkegh Yeso Kristo* omötu nko ye nko kokay.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 22:13

Ochan Alpa nko Omeka, towunöt nko söröm, nyo pö tagh nko nyo pö söröm.”

1 SAMWEL 15:29

Melö putin Tororöt, nyinte nyo le ororyo Israel, amelö wöghököy kinonutkachi ompöwölo melö ptangengmöt nyo muköy kïwaghakan chechi.”