MALAKI 3:16 - PIPÏLIA

¹⁶ Atolapay kïngölonchinö pich cho kiwöghöy ECHOTYON. Kïter nyinte akïlïm ngalanengwa atolapay, ompö tawunyi, kekirchï kitapu kinanat kaynötut pö pïchoni kiwoghöy ECHOTYON akïkonyïtöy kaynenyi.

MALAKI 3:16 ပူးပေါင်းရင်းမြစ်များ

TOWUNÖT 22:12

Kïlenchï malaykayantanay, “Meda kïgh montö anta ighchï kïgh anka tïkwïl nyo gha! Ompöwölo konkïtwan ye lö, ikonyïtenyi Tororöt, ompöwölo metaghenyinye werïngu nyini le akonga.”

2 SAMWEL 7:1

Otini kökimöngisyö Daudi katanyi akutö ECHOTYON nyinte kalya ompö pungkachi cho kimang kuwit nyinte,

1 PÖYTOGHÏ 18:12

Ato töp Mïkulöwu Tororöt ntökungwïn akumïtinyi kore anka wölo monkïtönye otini koweghan tawungu? Kïkany ato olenchan Aap imitenyi yi, akutomï memitenyinye kïparanïn kïrkegh kowöghan Tororöt kïngeta otini kyochan mïnïng.

1 PÖYTOGHÏ 18:3

Kïlenyona kïkur Aap Opadia nyo kighyongchini kö pö pöytoghin. Kikonyïtöy Opadia ECHOTYON nyoman,

2 OTÖPTINO OSIS 6:7

“Kimi kïpsach paponyan Daudi kïtekyï kö ECHOTYON Tororöt pö Israel.

NEEMIA 1:11

Echotyon iterwante sowutkachu nko cho pö mötworiku cho chömo kegh kaynengu akïkonyïtinyi. Aingarakante kusyonchanïn pöytoghintö.” Kyochan nyu chi nyo kyopchini pöytoghin dipay.*

ESTA 2:23

Kekïtisyö ntökenkïtï lö man ngalechoni, ketïgh nyu latanchay, kewusö chane ket kwodeny. Kikikirchï nyu ngalechoni kitapu otöptino osis ompö tawu pöytoghin.

ESTA 6:1

Melö kingwïnchï rïwöntö pöytoghin oghononi, kïlenyona kïmwatïta kepchï nyinte kitapï nyo kikikirchï ngala otöptino osis akesomön chï nyinte.

AYUPU 28:28

Atolapay kïlenchï ptangengmöt, ‘Kekonyït Echotyon kï ngöghomnyö, kekïrö kegh ghöyityö kï pköchin.’ ”

TUMWÖY 10:4

Kwolöy kegh mwokïyon amöyongönye ECHOTYON. Nonöy lö, “Möminye Tororöt.”

TUMWÖY 104:33

Otumchinan ECHOTYON kïnomnyö otini tosöpan, otumchinan Tororötïnyu tumwöyi sölut otini kïnye tochan satate.

TUMWÖY 111:10

Kekonyït ECHOTYON kï towunöto ngöghomnyö. Tïngeto pköchin nyo karam pich cho rïpöy kirurutkachi. Töpo, salata nyo kïsölöy nyinte nko köny.

TUMWÖY 115:13

Soyönöy pich cho wöghöy ECHOTYON, cho echön nko cho mïnkech.

TUMWÖY 119:63

Ochan kongot nko pich löwïr cho wöghinyi nko, chane cho rïpöy kinetutköku.

TUMWÖY 139:4

Pköchininyi ngölyon anka tïkwïl nyo omwoghan kïtomö angalanan, we ECHOTYON.

TUMWÖY 147:11

wölo ngörokyini pich cho konyïtöy nyinte, chane cho könöy chomnyenyi pö kokay.

TUMWÖY 16:3

Pïchighöch lö ne pipö ECHOTYON cho ghönote! Ongörökyinan nyoman omitan nko chane.

TUMWÖY 20:7

Mi pich cho montoy kegh nkarinekwa cho pö lïk, kumonto kegh walaka angoletinekwa, wölo kimontonecha kegh owesyo ECHOTYON Tororötïncha.

TUMWÖY 33:18

Komönöy ECHOTYON chane cho konyïtöy nyinte, pich cho twoytoy kegh chomnyenyi nyo pö kokay,

TUMWÖY 34:15

Komönöy ECHOTYON pipö man akïköp yitichi ompö riratengwa.

TUMWÖY 56:8

Kiyitönyi nyörilwoköchan, kinyïghitanyi lokechan kadang. Melö kirote so kitapungu?

TUMWÖY 56:9

Ryöghöy pungköchan, otini kokurön kaynatengu. Onkïtwan nyu lö, mi Tororöt nko ani.

TUMWÖY 66:16

Apkana atera, löwïr, akwa cho okonyïtöy Tororöt atomwowok tïkwïn cho kighwanïn.

TUMWÖY 94:19

Otini kesusanïn ngala cho chang, isoghsoghaninyi aighanïn oturön.

WUWÖT 32:32

Wölo ye nyu, löstoghchinö ngokikwa anta mölenyona, ingongoghtanïn ompö kitapungu nyay kikirchinyi piköku.”

NGÖTÏNYÖ 13:20

Ngöghomitu chi nyo westoy nko pich cho ngöghomöch, wölo wongu cho nomnyotoy nko sölwöy.

ISAYA 26:3

Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 26:8

Kïrïpecha kirurutköku, akekönecha nyi, nyi onkït nyo pïrchini mïkulisköcha.

ISAYA 4:3

Kiyitöy nyu chi anka tïkwïl nyo kingötï ompö Sayon* akudong Yerusalem lö tïlil.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

ISAYA 65:6

Kyomutyan kirwok pïchï, Mosisyinanye kïgh nyo kegh chane, oghokyinan chane,

YEREMIA 31:18

“Kyalïman Israel kïloköy lö, ‘ECHOTYON, kimunganinyi ntoghïtan lö chïs ompöwölo kyalatan egh nyo tomönye kïnagh mïchoki waghaka atowöghökwan kegh wölo imitenyi ompöwölo nyi nyo ichï ECHOTYON Tororötïnyan.

YEREMIA 8:6

Kyakapan yit ater ngalekwa, wölo puryö nyo kimwa man, möminye nyo kötoy ngokichi, anta nyo tepöy kegh lö, ‘Kïgh ne nyï gha kaghan nya?’ Kinam chi anka tïkwïl arenyi, karkegh nko angole nyo rïpchini poryot.

ESEKEL 9:4

akïlenchï, “Weratena kanasyanta Yerusalem kïmïkul, aitö machey tokochu chi anka tïkwïl nyo kasïwa nyo gha akusus ngalechï ghach kakigha kanasyan.”

DANIEL 12:1

“Ngwïnöy nyu Mikael malaykayan nyo wow nyo ripöy piköku. Itu atoni nyarïl nyo kitomönye kïmi otini kitor puntonï nko ye, wölo kisöru piköku osiswechoni, chi kïnye nyo kirumunö kaynenyi kitapu Tororöt.

DANIEL 7:10

Kiyinuna champilwa ma tawunyi. Kïpka pich cho chang cho kipöghisyechï nyinte. Akughyongö tawunyi pich cho makïrar. Kutor kokwö kurwoch, kengany kitapun.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

MALAKI 4:2

Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

LUKA 2:38

Kwitï kamanoni sayanoni akuyokyï Tororöt sörö akïngölonchï pich lapay ngala monïngay, cho kikönöy kityakata Yerusalem.

IGHISYEWUT 1:13

Nyini kïlïtöy kanasyan kïpus kïpa kö nyo mi parak wölo kimpuröy ompö: Petro nko Yoana nko Yakopo nko Andrea nko Pilipo nko Tomas nko Partolomayo nko Matayo nko Yakopo wero Alpayo nko Simon nyo kïkuro Silot, akïlö Yudas wero Yakopo.

IGHISYEWUT 10:2

Kikonyïtöy chichoni Tororöt, kisöghöy nyinte Tororöt nko katanyi kïmïkul. Kingöroköy pich nyoman cho kile mey, akisoghöy Tororöt kïnomnyö.

IGHISYEWUT 2:1

Nyini kitïta asispa Pentekoste,* kimito kighönï löwïr otö akonga.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

EPESO 5:19

Otinö ongölonchinekwa kegh opöghisyeghö ngala sölut nko tumwöy nko tumwöyi mïkulögh. Otumchinö Echotyon tum nyo rïröy ompö mïkuliskökwo.

1 TESALONIKE 5:11

Kïlenyona nyu asaghsagha kegh angarak kegh akwane lenyoni omitekwa oghöy ye.

1 TESALONIKE 5:14

Akesoghokwa ngat tupchenicho lö, aneta pich cho le soson, akil cho nyökoröch, angarak cho nyörkölöl, amïkukön nko pich löwïr.

EPRANIA 10:24

Kekilö nyu kegh akany kïsïnga chi ngaleko chitö anka ompö kingarakata kegh akeparta chomnyogh akegh nyo karam.

EPRANIA 12:15

Okil kegh lasiny tömötöp chi anka tïkwïl ntökïchïwïta pöropcho Tororöt. Orip kegh tömakarkegh nko ket nyo ngwan nyo ipu nyörilwok cho chang ködöwichi.

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.