MALAKI 3:10 - PIPÏLIA

¹⁰ Opunö töpotenyan ropöwo kareranpa taman löwïr tökïmi Konyan omisyö atyamanïn nyu. Mwoghöy ECHOTYON Kimuktoghin. “Ato aghakwa lenyoni, oyotwokwa tïrisyeni yïm, akonokwa kisoyönut cho möngörï.

MALAKI 3:10 ပူးပေါင်းရင်းမြစ်များ

TOWUNÖT 28:22

akïlïkwï Kö pö Tororöt koghete kaghan kïlïkwï pchörï akoninyi nyoman kareran nyo pö taman nyo pö kïgh anka tïkwïl nyo ikonaninyi.”

TOWUNÖT 7:11

Otini kitïta Noa könyis 600, asisto 17 nyo pö araweto odeny, kïyotisyö asisoni konyi pöghon cho kimi ngwïny, kutulï pögh ompö owesyö akïyotisyö kukoti pögh cho mi yïm.

2 PÖYTOGHÏ 7:19

akiyokyï wowïn lö, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi wölo melö iyomenyi omisyononi.”

2 PÖYTOGHÏ 7:2

Kïlenchï wowïnay kitigho kegh pöytoghintö chichay pö Tororöt, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi, wölo melö iyomenyi omisyononi.”

1 OTÖPTINO OSIS 26:20

Kiripöy pipö Lawi walaka mïloto ropïyeni Kö pö Tororöt nko korïn cho mi tïkwïn cho kakitïlilchï Tororöt.

NEEMIA 12:44

Kikikïl pich asisoni cho kiripöy töpoton cho kimi wölo kikïrorchini pasan nko akwa cho le poretay nko kareranpa taman akïghamït chane tïkwïn cho pkono paren cho mi kanastin lenyini kimwoghöy kirurut lö pöyitu tïsï nko pipö Lawi, ompöwölo kingörekyï Yuda tïsï nko pipö Lawi cho kipöghisyechini chane.

NEEMIA 12:47

Kitötoy pipö Israel löwïr pasan ompö osis löwïr cho pö tumï nko cho pö ripi Kö pö Tororöt ompö osiswo Serupapel nko cho pö Neemia. Kikïlchï chane ropöw pipö Lawi, atolapay kukïlchï pipö Lawi pipö ara Aron.

NEEMIA 13:5

Kichomchï nyinte Topiya kïmang kö pö ori nyo wow, wölo kikïrorchini ropöw nko tïkwïn cho ngutoy cho onyïn nko karïn cho kïpöghisyegho ompö Kö pö Tororöt nko kareranpa taman nyo pö pagh nko dipay* nko mwagh cho kikïkonï ketö pipö Lawi nko tumï nko ripi Kö pö Tororöt lenyini mwoghöy kirurut.

TUMWÖY 37:3

Ghana ECHOTYON aigh nyo karam atemanga kor ompö kalya.

TUMWÖY 78:23

Wölo kuchik poltoy ompö mïröt akïyat kukoti yïm,

OMTOGHIN 11:3

Ato sïngirisyö poltoy, kïmïlchï pögh ngwïny, kïkany ato rulchï ket okumpö tagh anta okumpö ewu löt kïrïwöy ketoni otini körulchï.

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.

ESEKEL 44:30

Lïku chikwa akwa tagh löwïr nko ropöw kïtïkon ompö ropöwekwa löwïr. Otöninekwa tïsï omisyenkwa wölo tagh tökïtöpö kisoyönötenyan kestonikwa.

OSEA 2:21

Oyokunan asisoni sowutko pikachu, terchini nyu yïmö ngwïny sowutkachi. Mwoghöy ECHOTYON.

YOEL 2:19

Kïwöghökï kïlenchï pikachi, “Arosa nyu lö akonokwa pagh nko dipay nko mwagh opïghyenökwa amopïsyinanye ngat kïnyernyerekwa puntonï.

YOEL 2:24

Nyïghiti rökor kukaposa kïnyïghï dipay nko mwagh tokigh kukaryala.

LAWIN 26:10

Omekwa paghekwa ntökuryam, ntostekwa chinö pö köny atökïrumï pöroyïn nyo pö cho relach.

LAWIN 26:3

“Ato arïpakwa kirurutköchan akamanakwa ngalechan,

LAWIN 27:30

“Pöyitu ECHOTYON kareran akonga ompö taman cho pö tïkwïn löwïr cho rïro kor, ato kö pagh anta akwa. Choni kï tïlilöch ompö ECHOTYON.

AKAY 2:19

Kïrkegh melö tökïmi pagh töpot, akï tomönye kuyin keti sapipun nko makany nko makomanka nko arol, wölo osoyönokwa kïngeta ye.”

KIYITUT 18:21

Kïlö ECHOTYON, “Kyotönön pipö Lawi kareran pö taman anka tïkwïl nyo pipö Israel kïlïkwï mïlatengwa, ompö ighisyengwa nyo ighöy ompö Ema nyo mi ECHOTYON.

MATAYO 6:33

Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

KINONO KIRURUT 12:6

Opökwanyu wöloni amörostinekwa cho kïpelöy nko amörostin cho pö chamat nko cho pö twatan pö kyakikwa.

KINONO KIRURUT 14:22

“Otötö kareranpa taman cho pö tïkwïn löwïr cho pkono parenikwa köny anka tïkwïl.

KINONO KIRURUT 14:29

Atökïpka kwam pipö Lawi cho mötïngcha kor nyo mïlöy nko akwa nko to nko pönon nko mïsïktin cho mi möngöy nko akwa, atökusoyönokwa ECHOTYON Tororötïnkwa ompö kïgh anka tïkwïl nyo oghekwa.

KINONO KIRURUT 28:12

Yotwokwa ECHOTYON yïm atökïropchï korenkwa akusoyön ighisyewut löwïr cho oghekwa. Opösönchinekwa ropïyen pipö punton cho chang, wölo melö opösönokwa chane.