MALAKI 2:17 - PIPÏLIA

¹⁷ Kosusökwa ECHOTYON kwaghach ompö ngalekwa, alekwa, “Kakisusöcha nyinte kwaghach ompö or ne?” Kosusökwa ompö otini olentekwa, “Ngörokyini ECHOTYON mwokïyis akïchömöy chane,” anta otini otepekwa lö, “Kunko Tororöt nyï kïlentöy rwokyini ompö man nya?”

MALAKI 2:17 ပူးပေါင်းရင်းမြစ်များ

AYUPU 34:17

Muköy chi nyo sösöy man kïpayta? Imukenyi rwokyine nyinte nyo pö man akwawes?

AYUPU 34:36

Opï kakïtyam Ayupu ntökwit söröm ompöwölo köwöghökwï le pich cho le mwokïyis.

AYUPU 36:17

“Wölo kenyorunyi sitöt le mwokïyiskö walaka. Nöminyi kirwokö nko man.

AYUPU 9:24

Kitö Tororöt mwokïyis ngwïny, akumolul kirwokikwa kïköryö. Kïkany ato melö nyinte nyoni, kï ngo nyu nyo kitö?

OMTOGHIN 8:11

Ompöwölo melö kipuntoy lawel kirwoko kïgh nyo gha nyo kegha, kikesötyï mïkulis pö pich kwigh ghöyityö kïmïchï.

ISAYA 1:14

Ghöchinanïn Ichontinekwa cho pö Relïn pö Arawa nko cho pö osiswekwa cho echön. Nïkisöch chane tya ompö ani. Momukanye osïtöy.

ISAYA 29:15

Heywey! Ochech pich cho mukyini lö kïwïnyo ECHOTYON tötutkökwa! Mito chane tuwïn, akunonöy lö möminye chi nyo sïwïyi chane anta sïwa kïgh nyo ighöy chane.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

ISAYA 43:22

Lentöy ECHOTYON, “Nkoghochekwa nko ani, nya we pipö Yakopo, nkïmasaghanïkwanye, nya we pipö Israel!

ISAYA 43:24

Melö kyolwanïkwa tïkwïn cho ngutoy cho onyïn, anta apaghenanïn sunetko kyakikwo opïghyö, wölo kyatungenanïkwa nïkisïnto ngokikwa. Kyaghachan lö nyal ompö lelutkökwa cho kyaghakwa.

ISAYA 7:13

Kuyokyï Isaya nyinte lö, “Atera nyu we pipö ara Daudi! Kïgh nyo mïnïng so ompö akwa, aghakwa pich kwoghochö, ntamachakwa agha Tororötïnyan tïkwïl kwaghach?

YEREMIA 12:1

Iponyi man we ECHOTYON, kïrkegh opunyi ngwïrngwïryenyan. Wölo omochan opunyi teputyenyu. Ayo, ompö ne tökïsïköy mwokïyis kel nyo karam? Ompö ne tökuletöy tagh pkatis löwïr?

YEREMIA 15:6

Kataghanïkwa. Mwoghöy ECHOTYON. Kopörchanïkwa patagh. Nka nyoni nyu kosyolön ewunyu, amungokwa, ompöwölo kyaghakan osyonchekwa kïtenö osis.

YEREMIA 17:15

Kitepanïn pich ompö kïlentöy, “Kunko ngölyontonay kyotyeghenechanyi lö ipwecha ECHOTYON nyarïl nya? Kanya kungwïn!”

YEREMIA 44:22

Akwompöwölo kilil ECHOTYON ngokikwa choni kyaghakwa ntömakïkamaghnye, lïku yenyu korenkwa kïratyan nyo puryö chi nyo möngöy akï nyo otyot pich ato sïwa. Kïpöghisyegho kaynenkwa ompö chïpö.

ESEKEL 16:43

Kïle wölo kewutyeghenyi wölo kyanamtinyi atanya kichinyi mïnïng, aighaninyi anarekan ompö tïkwïn cho keghanyi. Kilenyona oghokeninyi ngalechi löwïr kighonyi?” Mwoghöy Echotyon TORORÖT.

ESEKEL 18:25

“Wölo olentekwa, ‘Melö pö man ortïna Echotyon.’ Atera nyu we pipö Israel ononekwa lö melö karamach ortïnechan? Melö so ortïnekwa cho melö karamach?

ESEKEL 8:12

Kïlenchanïn, “Wero chi, kesïwenyi tïkwïn cho ighöy pipö Israel ompö tuwïn, mi chi anka tïkwïl konyi kïsoghöy pichen. Akïlentöy, ‘Melö sïwïyecha Tororöt, kikipïstö ompö nyinte koronete.’ ”

ESEKEL 9:9

Kïlenchanïn ECHOTYON, “Kikwigh pipö Israel nko pipö Yuda ngokï cho echön. Kikïmïlta kisön cho chang ompö kor akunyïghit ghöyityö Yerusalem. Mwoghöy chane lö, ‘Kikïpïstö ECHOTYON koronï amökïyongönye.’

AMOS 2:13

Arosa nyu opïrchinokwa ngwïny ompö wöloni omitekwa le nkari nyo kitungchï pögh ngwïny.

SEPANIA 1:12

Otömenan töpewon asisoni kanasyanta Yerusalem, otöninan sitöt pich cho lïmchini kegh lö kimïchech tïkwïn, pich cho lenchini kegh, ‘Memukönye ECHOTYON kwigh kïgh nyo karam anta nyo gha.’

MALAKI 2:14

Wölo otepokwa lö, “Kölö ne tömakïtokönye ropöwe?” Ompöwölo nkït nyinte lö melö kitekamananyi kiyomisöt nyo kyamanyi nko korkengu nyo kipönyi otini kitechinyi chumwak. Kyoyomisökwa kegh tïkwïl ompö tawu Tororöt lö olïkunekwa pich cho ghönote akwanyï yenyu ketïlanyi kasar.

MALAKI 3:8

Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa.

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

1 SAMWEL 2:3

Opïstenö ngalanat nyo pö kwolöto kegh, amakany kelïma menotön kutïwekwo, ompöwölo nkït ECHOTYON Tororöt ngal löwïr akï nyinte nyo rwokyini ighisyewut pö pich.