MALAKI 2:16 - PIPÏLIA

¹⁶ Ompöwölo mwoghöy ECHOTYON, Tororöt pö Israel lö, “Otöghan nyoman ngala kityakat. Ghöchinanïn otini ighchini chi kïgh nyo gha nyo lata nyoni korkenyi. Kïlenyona, orip kegh lasiny mörumunö kwenunkwa ompö akong nyo melö ghanate ompö tawu korkenyi.”

MALAKI 2:16 ပူးပေါင်းရင်းမြစ်များ

TUMWÖY 73:6

Nka nyoni kewusö chane menotön kotwonikwa akulak köromnyö le sïra.

NGÖTÏNYÖ 28:13

Mönyorunye perur chi nyo wïngöy lelutkachi, wölo nyoru kisyonöt nyinte nyo ngongtoy akïpïstö.

NGÖTÏNYÖ 5:20

Ompö ne nya werïnyu, tewonyechinö chepkartayan, pö ne tesïkwïrenö ewuneku koko chi?

ISAYA 28:20

Kikongityonokwa nko chi nyo kïngölono ompö ngötïnyö lö kimukyini kïrï pöröy nyo tangogh tya, kïlö omukyï oghïtö kegh kupöl, akiyenö kegh kupöl.

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

ISAYA 59:6

Memuköcha netinekwa kïwöghokisyot kïlïkwï sïro akïmemuköcha kuyenö kegh ighisyewutkökwa. Pö ngokï ighisyewutkökwa akïmi ewunekwa kïsïngo ighisyewut cho pö rïmöt.

LUKA 16:18

“Chi nyo tyoköy korkenyi akwip anka, kwighöy cheporesnan, akwanka tïkwïl nyo ipöy korka nyo kakityak kwighöy cheporesnan.

1 KORINTO 7:10

Otïngetan ngölyon ompö pich cho kakensyö amelö nyinyan ngölyonte, wölo pö Echotyon, lö, tömötöp korka tökïpïstö santenyi.