MALAKI 2:14 - PIPÏLIA

¹⁴ Wölo otepokwa lö, “Kölö ne tömakïtokönye ropöwe?” Ompöwölo nkït nyinte lö melö kitekamananyi kiyomisöt nyo kyamanyi nko korkengu nyo kipönyi otini kitechinyi chumwak. Kyoyomisökwa kegh tïkwïl ompö tawu Tororöt lö olïkunekwa pich cho ghönote akwanyï yenyu ketïlanyi kasar.

MALAKI 2:14 ပူးပေါင်းရင်းမြစ်များ

TOWUNÖT 2:18

Atolapay kïlö ECHOTYON Tororöt, “Melö mïchini kïtöpö chi onkït. Oghchinan nyinte kingörokin nyo mïchini.”

TOWUNÖT 31:50

Ato ireyanyi tipichan asïyech anta ipönyi koru walaka kïtas kegh nko tipichan akï möminye chitö anka kwenunyo, inan lö söwintencha Tororöt.”

NGÖTÏNYÖ 2:17

Nyo pïstoy kongenyi nyo kinörchinö tïkwïl akïwutyeghö kiyomisöto Tororötïnyi

NGÖTÏNYÖ 30:20

Lata nyoni wölo töptoy korka nyo le chepores, omisïyi nyinte akïmis kut, akïlö, “Maghanye kïgh nyo gha.”

NGÖTÏNYÖ 5:20

Ompö ne nya werïnyu, tewonyechinö chepkartayan, pö ne tesïkwïrenö ewuneku koko chi?

OMTOGHIN 9:9

Ngörökyinö söpontongu nko korka nyo ichömenyi, ompö osis löwïr cho pö söpontöngu nyo le kwïle ompö ngwïnyinï, ompöwölo karerantangu nyoni nyo pö söpontöngu nko sïngengu nyo kisïnganyi ompö ngwïnyinï.

TUM PÖ TUMWÖY 1:15

Ichinyi pïchigh lö ne nya chamanenyu, ichinyi pïchigh akïkarkegh konyiku nko cho pö chepïrïm!

ISAYA 54:6

“Ikörenyi kegh, we Israel nko korka nyo kötö kepöy nyo ketyak santenyi, nyo mi nko nyarïl nyo wow. Wölo kurinyi ECHOTYON ngat akïlenchininyi,

ISAYA 58:3

Tepöy pïchoni lö, “Ompö ne tökekïrurecha atökesagha lasiny akwanyï melö sïwïyi ECHOTYON? Ompö ne töketaghenacha kegh omisyö ato melö yongöy nyinte?” Nonchini nyu ECHOTYON chane, “Kömpölelye kï nyï, otini omitekwa okïruröy atasagha lasiny, omitekwa orïpotoy möchutkökwa, amitö otungo piko ighisyewutkökwo nïkisïntin.

YEREMIA 29:23

Lïku nyoni sörömungwa ompöwölo kigh tïpo arasï ompö kwenu pipö Israel. Kigh chane cheporesnan nko koru pöroriskökwa akïmïr putintön ompö kaynenyan, ngal cho melö kyomwochan chane kwigh. Onkïtön ante tïkwïn cho kigh, ochan söwinto tïkuchoni.’ ” Mwoghöy ECHOTYON.

YEREMIA 42:5

Atolapay kïlenchanïn chane, “Nya kïlïkwï ECHOTYON söwintön nyo pö man nyo ghanate ompö acha atomakïrïpachanye ngölyon anka tïkwïl nyo kömwowunyi ECHOTYON Tororöt atemwowecha.

YEREMIA 8:12

Ayo, kisïwa chane arasï kwighöy tïkuchoni töghanïn kisön nya? Ewo! Kimanamnye arasï nyonikïny, ameporïnye ompö otyogh! Kïlenyona, rulsot chane le walaka cho kikïrulyö, akuwonsot lömïs otini komungön chane. Mwoghöy ECHOTYON.

YEREMIA 9:2

Opï konkïtön wölo otöpo ompö surkwen, kowetan wölini atömosïwïyi piköchan. Ompöwölo kalïkwï chane cheporestin löwïr, söpïch pö chelölos.

ESEKEL 16:8

“ ‘Otini kyaweratinyi ngat, asïwan lö kömïchï kepinyi. Oyenan chïrutyengu kotinyan, ayomisön opinyi. Aman muma* nyo pö kensyö nko nyi, ilïkunyi nyinyan. Mwoghöy Echotyon TORORÖT.

MIKA 1:2

Atera ngalechï akwa pipö punton löwïr, alïma pich löwïr cho omöngöy ngwïny, Echotyon TORORÖT nyo yotu lelutkökwa, otini kangalan ompö Konyi nyo tïlil.

MALAKI 2:15

Melö so kighakwa Tororöt alïkuna por akonga nko mïkulögh akonga nko nyinte? Akine machata Tororöt kwighöy lenyoni? Kilentöy tosïkökwa monïng cho konyïtöy Tororöt nyoman. Kïlenyona, orip kegh mörumunö kwenunkwa ompö akong nyo penyöy kiyomisöt nyo kimwochï korkenyi.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

MALAKI 3:8

Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa.

KIRWOKÏ 11:10

Kuyokyï poyichay pö Kiliad nyinte lö, “Nya kïlïkwï söwinte ECHOTYON. Kighecha lenyini kemwaghanyi.”

1 SAMWEL 12:5

Kïlenchï Samwel chane, “ECHOTYON nko pöytoghin cho söwintönchini lö möminye kïgh nyo konyorchikwa morichan.” Kïlö chane, “Owöy, ECHOTYON nyo le söwintencha.”