MALAKI 1:9 - PIPÏLIA

⁹ Kïlenyona nyu akwa tïsï, asagha Tororöt atökusyonchech. Wölo ato lata choni ropöwe cho opchinekwa nyinte, porwokwa nyoman pöropchenyi?

MALAKI 1:9 ပူးပေါင်းရင်းမြစ်များ

2 OTÖPTINO OSIS 30:27

Atolapay kughyongchö tïsï nko pipö Lawi, akïpechï kusoyön pich ompö kut akonga, kïterchï ECHOTYON ngalekwa, akurel sowutkökwa möngenyi nyo tïlil nyo mi yïm.

WUWÖT 32:11

Kïsagh Musa ECHOTYON Tororötïnyi akïlö, “We ECHOTYON, ompö ne tenarekanyi ompö piköku cho kimïtunenyi koro Misri ompö owesyengu nyo wow?

YEREMIA 26:19

Kitïgh so Mika, Esekia pöytoghinto Yuda nko pipö Yuda löwïr? Ewo! Ompöwölo kïkonyït Esekia ECHOTYON akïsom pöropcho ompö tawunyi kimöpïstönye ye ECHOTYON kwïpchï chane meghat kïrkegh kikikïtat tagh lö opchini chane? Anyï ye karich kepchinöcha kegh nyarïl nyo mamïnïng!”

YEREMIA 27:18

Ato kö werkoy chane cho pö man akïtïng ngölyontenyan, kwompö ne tömösaghanïn, ECHOTYON Kimuktoghin, tömökip karïn cho kidong Kö pö Tororöt nko kö pö pöytoghinto Yuda nko kanasyanta Yerusalem kïpa koro Papilon.”

LOK 2:19

Ngeta airir ainget airir kïyech mwochinö Echotyon kisusut löwïr cho mi mïkulöwungu mwochinö kusyonchï moneku cho kenkïyuy ompö kömöy ompö ortïna kanasyan löwïr.

YOEL 2:12

Akwompö nyete le ye kïmwoghöy ECHOTYON lö, “Omïlisyenö wölo omitan ompö mïkuliskökwo löwïr, ompö kïrurat nko lok nko sönönöt.

YOEL 2:17

Akanya kïlokyö tïsï cho pöghisyechini ECHOTYON ompö kwenu ato kïpelo amöros nko kuka Kö pö Tororöt* akïsagh lö, ‘Syonchinö piköku, we ECHOTYON. Mepïstö piköku kesas amekany kïroröchï puntonï. Pö ne kïmwa pich lö, “Mi onö tororötïngwa?’ ”

AMOS 5:22

Kïrkegh köropkanïn amörostinekwa cho kïpelöy nko ropöwo pagh melö ochöman kokay amotokanye ropöwo kalya cho pö kyakikwa cho okwoghöch.

YOANA 9:31

Kinkïtöcha lö möterchininye Tororöt mwokïyis, wölo terchini pich cho töni nyinte konyït akwigh machatenyi.

RUMI 2:11

Ompöwölo melö tïng Tororöt kïltagh.

1 PETRO 1:17

Otini osoghekwa Tororöt okurokwa nyinte Papo. Kïlenyona mïchini onkïtunökwa lö, rwokyini nyinte chi anka tïkwïl kïrïp kegh nko ighisyewutkachi amökïlönye pich. Opöghisyeghenö nyu osiswekwo cho totïngetenö ompö ngwïnyinï omikwa le to ompö kiwaghata Tororöt.