MALAKI 1:11 - PIPÏLIA

¹¹ Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MALAKI 1:11 ပူးပေါင်းရင်းမြစ်များ

1 OTÖPTINO OSIS 16:25

Wow ECHOTYON nyoman, mïchini kekwol nyinte tya, kïkwolöy kïtïl tororötin walaka.

TUMWÖY 111:9

Kityak pikachi akwam muma* nko chane nyo möwïrönye, Tïlil nyinte akïtïng ris.

TUMWÖY 113:3

Kïngata wölo pusuno asis ntökwit wölo röytoy asala kaynata ECHOTYON!

TUMWÖY 138:5

Tumöy chane ompö tïkwïn cho kighanyi, ompöwölo wow ororyengu.

TUMWÖY 141:2

Nya kïlïkwï saghatenyan tïkwïn cho ngutoy cho onyïn ompö nyi, akïkarkegh ewunechan cho osyolan parak nko amöros nyo pö nangat.

TUMWÖY 45:17

Oghan kaynatengu kenonöy ompö pïnwöy löwïr, sölinyi nyu puntonï kokay nko kokay. Ompö kintöghoghinto tum pö werpö Kora. Kïrïp kegh nko tum pö tipïn. Tum.

TUMWÖY 48:10

Salate kaynengu ompö wop tïkwïl, we Tororöt, ichinyi oror ompö ngwïny kïmïkul, akepaytenyi ompö man.

TUMWÖY 48:11

Nya kïngörekyö pipö Sayon! Imutenyi ngal ompö man nya kïngörekyö pipö kanastina Yuda!

TUMWÖY 50:1

Ngölonöy Tororöt nyo wow tya, mwochini ECHOTYON ngwïny kïngata kongasis ntökwit okumpö ta.

TUMWÖY 65:9

Ikomönenyi ngwïnyinï otini iropönchinenyi aigh kïsïkönon aikany kwakwaghit. Mötengotya lalwatïneku keperurönyi kor kïnyorï pagh, ompöwölo kighanyi lenyoni.

TUMWÖY 67:2

nya kïrumtö machatengu ompö ngwïny nko sörunötengu ompö punton löwïr.

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

TUMWÖY 96:8

Okonyïtö kaynata ECHOTYON, opunö ropöwon, apkan Konyi.

ISAYA 12:4

Itu asis ato tumöy pich lö, “Oyokyinö ECHOTYON sörö! Okurö nyinte tökungarakekwa. Omwochinö pipö punton kïmïkul pöghisyewut cho kegh nyinte amwochï chane wölo töror nyinte kïlïkwï!

ISAYA 12:5

Otumchinö ECHOTYON, ompö tïkwïn cho echön cho kegh nyinte. Akanya kïlïm ngwïnya kïmïkul ngalechoni.

ISAYA 19:21

Porchini kegh ECHOTYON pipö Misri, atolapay kïwöghokisyö chane akïsagh nyinte, akïropchï nyinte ropöw nko amörostin. Atolapay kwomchï chane ECHOTYON muma akwigh kïrïp kegh nko kiyomisötengwa.

ISAYA 30:27

Kïsöchini owesyö ECHOTYON nko ororyenyi wölo low. Poru man nko ighot nörekyenyi. Ngölonu nyinte, kïwöghökisyö ngalechi kïpelsyö.

ISAYA 45:6

Nkïtu nyu chi tïkwïl kïngeta kongasis ntökwit ta, lö ochan ECHOTYON amöminye anka kokay.

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

ISAYA 59:19

Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

YEREMIA 10:6

Möminye anka nyo karkegh nko nyi we ECHOTYON, ichinyi Kimuktoghin, wow kaynatengu akïtïngetö owesyö nyo wow.

YEREMIA 10:7

Ngo nyo mewöghinyi nyo ichï Pöytoghinto koros? Mïchini kekonyïtinyi lenyoni, möminye nyo karkegh nko nyi ompö kwenu pich cho ngöghomöch ompö koros löwïr nko ompö paytaghtinekwa löwïr.

YEREMIA 4:2

akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”

DANIEL 2:45

Kisïwenyi kïchïnuna kagh kutïng amaswany chi akïtïgh körkeyïnay kikigha karïn nko tay nko nyïngwïtyan nko silpa nko koltin kïpasyangana. Keporunyi Tororöt nyo awes tïkwïn cho ighisyot ompö osis cho pkonöy we pöytoghin, nka nyoni nyu kirwotïtoghtö nko waghakatenyi.”

AMOS 9:12

Atö kïmïl koro Edom nyo kingotï nko punton löwïr cho kile chichan. Mwoghöy ECHOTYON nyo ighöy ngalechï.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

SEPANIA 3:9

“Itïtoy ato otïlilan ngölyep pö piköchan kïngalan man, kuranïn akïsaghanïn akïpöghisyewanïn onkït ompö mïkulögh akonga.

SAKARIA 8:7

Osörunenan piköchan koros cho mi okumpö kongasis nko ta

MALAKI 1:14

“Chïpote chi nyo yomisanïn lö oropkanïn makal nyo karam ompö kyakichi atolapay kïlïsanïn akïropkanïn nyo ngwolöy. Ochan pöytoghin nyo wow akuwöghanïn puntoni ngwïny kïmïkul.” Mwoghöy ECHOTYON.

MALAKI 3:3

Ngwïnöy nyinte kurwokyini pich le chi nyo wunöy akutïlil silpa. Tïlilöy pipö ara Lawi cho le tïsï atökumï kwipchï ECHOTYON ropöw cho tenote.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MATAYO 8:11

Omwowokwa nyoman lö pkono pich cho chang kongasis nko ta akïpka kumpur akwomisyö nko Apraam nko Isak nko Yakopo ompö Pöyunöto Yïm.

LUKA 1:10

Otini kipelöy Sakaria tïkuchoni, kimi pich sany kïsoghöy.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

2 TESALONIKE 1:12

Akwompö choni löwïr, nyoru kaynata Echotyon Yeso ororyö ompö akwa, anyorunekwa tïkwïl ororyö ompö nyinte, kïrïp kegh nko pöropcho Tororötïnyo nko Echotyon Yeso Kristo.

1 TIMOTEO 2:8

Omökan ompö wop anka tïkwïl, kisagh mïrön cho kikïkonï kegh ompö Echotyon kïsyolöy ewunekwa akï cho puryö nörekyö anta kimölöto kegh.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

NGONGUT 5:8

Akwotini kimi kwighöy lenyoni, kupïtyï ngwïny tawu Wawa Kech tyonchay sötote le angwan nko poyichay le 24, akïtïng chi anka tïkwïl ompö chane pïkan nko pakuli koltin nyo kikinyïghit tïkwïn cho ngutoy nyo karam akï choni kï sowut pö pipö Tororöt.