LUKA 8:28 - PIPÏLIA

²⁸ Otini kisïwa Yeso, kutegh tya akupïtyï tawunyi, akïngalana kut nyo wow lö, “Ne nyo kitïngecha kegh nko nyi nya Yeso, Wero Tororöt nyo Töror Tya? Osominyi lö, menyarilante kong.”

LUKA 8:28 ပူးပေါင်းရင်းမြစ်များ

ISAYA 27:1

Pöghisyegho ECHOTYON asisoni chokenyi nyo aghïgh akïwow akwawes atökunyarila kong tyompö pögh nyo kïkuro Lepiyatan, moroy nyo ryönöy kegh akïpar moroy nyo lichegho nanam ori.

MATAYO 8:29

Kïnyini kuteghyö tya lö, “Kïtïngecha kegh ne nko nyi nya, Wero Tororöt? Kengwïnanyi so inyarilecha kong kïtomö kwitïta asistanyi?”

LUKA 8:27

Otini kirökuno Yeso melinay, kïtaroch chi nyo kitïng oy nyo kingwïno kanasyan. Kikakïwestö chichoni kïchïrut ompö osis cho chang akimötöponye wölo le kaw, wölo kimöngöy parsïkontin.

LUKA 8:29

Kimwa lenyoni, ompöwölo kiteghchï Yeso oyichay kingetunö nyinte. Kökikïnömöy oyichoni chichay kïnyïl cho chang, akikïrkegh kerip akerat lö kïng, wölo kingötiyöy rötöwe akurïpteghö oyichay nyinte kutang surkwen.

YAKOPO 2:19

Olentan ighönenyi lö akonga Tororöt nya? Owöy, man, lenye nyoni! Wölo ghönöy oy tïkwïl lenyoni akïpotonchö ompö kiwaghat.

2 PETRO 2:4

Kimesyonchïnye Tororöt malayken cho kigh ngokï, wölo kïtorchï chane ngwen wölo tuw kïrötot kïköngöy kirwok.

1 YOANA 3:8

Kïkany anka tïkwïl nyo ighöy ngokï, kïpö Onyöt, ompöwölo kigh Onyötö ngokï kïngeta otini le towunöt. Kingwïn Wero Tororöt ngwïnyinete atökunyar pöghisyewut pö Onyöt.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.