LUKA 8:13 - PIPÏLIA

¹³ Kösïghe chay kichïnchï koghïn kï pich cho teröy akï tach ngölyontononi ompö ngörekyö, wölo mötïngcha sikin, ghönöy nyo tangogh nyo ato itï tyomut kupïtyö.

LUKA 8:13 ပူးပေါင်းရင်းမြစ်များ

AYUPU 19:28

‘Kïnömecha nyinte lö ne, akwanyï pkono ngale nyinte?’

NGÖTÏNYÖ 12:12

Pïrchini mwokïyis kwigh tïkwïn cho ghach osis, wölo ghyongöy lö kïng nyighïna chi pö man.

NGÖTÏNYÖ 12:3

Melö chïchimöy chi ngökï, wölo puryö kïgh nyo kölöngtoy chi pö man.

ISAYA 58:2

Soghanïn chane kïtenö osis, akïmi kïlentöy kïtïng machat nyo wow kunkïtï ortïnechan akïrïp kirurutköchan. Mököy otönön chane kirurut cho tenote, akïmwoghöy lö kïngörokyini kïsoghanïn.”

ESEKEL 33:32

Ilatenyi nyu kurinto tumwöy nyo tïng kut nyini kuröy nyoman nko kïgh nyo pïtöy kïrïr. Lïmöy nyu kïgh nyo imwoghenyi, wölo melö ighöy lenyini.

OSEA 6:4

Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.

MARKO 6:20

Kiwöghöy Erode Yoana ompöwölo kinkït lö chi pö man nyinte aki chi nyo tïlil, kïlenyona kïrip nyinte lasiny tömökïrïm. Kichömöy kïteröy ngalechi ompö ngörekyö kïrkegh kisusöy söpontanyi ngalechoni kilïmo Yoana kïtenö osis.

LUKA 8:12

Kösïghechïnö kichïnchï arawet kï pich cho lïmöy ngölyonte, wölo kungwïn Onyötö kïchenga ngölyontonay mïkuliskökwa lö tömeghan akesörï chane.

LUKA 8:14

Kösïghechay kichïnchï kwenu kato kï pich cho lïmöy ngölyonto Tororöt, wölo kuruk kisusut nko sïkönön nko ngörekyo möngonete tömökïrïrö akwekwa.

YOANA 15:2

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

YOANA 15:6

Ato mötöpönye chi anka tïkwïl nko ani, kewirchini sany atökïyam le morno ket. Ghömïtöy nyu pich morichoni pö ket akïwirchï ma atökepel kïnöghö.

YOANA 5:35

Kikarkegh Yoana nko kitömöwön nyo kinoghöy akulïwu, achamakwa ongörekyeghenö löpoyïntanyi ompö osis cho ngörï.

1 KORINTO 13:2

Akï kïrkegh kotïngetan owesyö nyo pö amtagh nko pköchin nyo pö wïngut löwïr nko ngöghomnyö anka tïkwïl, atïng kighanat nyo omukan anategha kutïngkot amotïngetanye chomnyogh ochan kwïle.

1 KORINTO 15:2

akesörunenokwa choni ato ananakwa lasiny ngalechanye kyomwokwa, ato melö kwïle kighanatenkwa.

KALATIA 3:1

Heywey sölwöyichï pö Kalatia! Ngo nyo kapanakwa akwa chanye kikitö Yeso Kristo* tawuto konyikwa asïwekwa lö, kikïwudochï kimurtöwon?

KALATIA 3:4

Kyowongunekwa so tïkwïn cho chang kwïle? Ato kwïle nyoman!

EPESO 3:17

atökïmang Kristo mïkulöwekwa ori ompö ara kighanat. Osoghan owudenökwa ighin akepintitakwa ompö chomnyogh nyo ghyongote.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 2:7

Mïchinokwa osïkö sikin ompö nyinte achïchïm ompö kighanatengwo kïle wölo kikinetïtakwa. Alïkwï pich cho oyokyini Tororöt söro nyoman.

1 TESALONIKE 3:5

Nka nyoni kini kighanïn oyonï Timoteo. Kimomukanye omïkukönöy ngat nka nyoni kyoyokwan nyinte kungwïn kuros wölo kitöptö kighanatenkwa atömötöp ana ntökïtyamakwa työmin akwigh ighisyencha nyo kikïsïnga kïlïkwï kwïle!

1 TIMOTEO 1:19

Ripö kighanatengu ompö choghïn nyo karam. Mi pikö walaka cho möterchïnicha choghïntangwa, söromunyi kunyar kighanatengwa.

EPRANIA 10:39

Wölo melö kichicha pich cho kïmïlisot löt akepotyö, puryö kïtïngetecha kighanat akesörwecha.

YAKOPO 2:26

Kïlenyona, kïle otini kima por nyo mötïngnye mïkulögh, kï kikïma kighanata nyo mötïngnye ighisyewut.

2 PETRO 2:20

Ato chïwïtyeghö pich owesyo ngwïny nyo wuröy mïkulis pö pich, ompöwölo kenkïtï chane Echotyontenyo akï Ghetintenyo Yeso Kristo,* atolapay kïcham kïrat chane ngat tïkuchoni wuröy pich mïkulis ntökïpöyï, kïghöyitu tya otöptöngwa nyo pö söröm kïsir nyo pö tagh.

2 PETRO 2:22

Kighisyö ompö chane lenyoni kïrïp kegh nko ngölyonto ngötïnyö nyo lentöy, “Yokyini kegh kukïy kinguntanichi,” nko nyo lentöy, “Yokyini kegh nkïrwe nyo mwatate kïtönkwöröy norayon ngat.”

1 YOANA 2:19

Kipïstecha pïchoni kïpechï kegh wölo kimelö ki pich cho kimi akonga nko acha. Nyo ntö kimi nko acha, kiteletöy, kïtïpisot nko acha. Wölo kipïstecha chane atökïrumtö nyoman lö kimöminye nyo le ompö akonga nyo kile nyincha.

YUDA 1:12

Atopka pïchoni kwomisyö nko akwa ato omikwa nyoryogh nyo pö kighönï, konokwa kaynat nyo gha akwompö otöptöngwa nyo puryö konyït. Pich chane cho pöghöy kegh opïn. Karkegh chane nko poltoy cho mepunye rop akï cho kutotoy yomöt. Karkegh chane nko ket cho meyinönye akwa, kïrkegh kökakwit osiswö cho keyinöy. Kikïmeghö le ket nyo kikïyam akemïl ompö ighinkachi.