LUKA 7:22 - PIPÏLIA

²² Kuyokyï Yeso chane lö, “Omïlonchenö wölo mi Yoana amwochï tïkwïn tïkwïl cho kasïwekwa alïmakwa, kerosïta chepkarotonoy, kapesta pich cho ngwolsot, kaketïlil cho amate psenkwet, kalïm cho mingote, kakututï pich cho kimeghö akyomchï mey Lökoy cho Karamach.

LUKA 7:22 ပူးပေါင်းရင်းမြစ်များ

AYUPU 29:15

Kyochan kompa chepkarot alïkwï kel pö chi nyo ngwolöy.

TUMWÖY 146:8

Ighöy ECHOTYON chepkarot kurosïta, ngetöy ECHOTYON cho kikupïtyö, chömöy nyinte pipö man.

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

ISAYA 43:8

Mwoghöy Tororöt lö, “Okurunö piköchan kïpka yi. Tïngeto chane konyïn, wölo köryote, akïtïng yitïn, wölo mingote!

YEREMIA 31:8

Arosa, omïtunenan chane kor nyo mi okumpö löt. Oghömïtunenan söremwok pö ngwïny. Rotu löwïr puryö nyo dongöy, ngwïnöy chepkarot nko mwolöy. Pkonöy korï cho mirsyot nko cho kïghöy, mïlo söpïch nyo wow nyoman.

SEPANIA 3:12

Otukyinan Yerusalem pich cho tölose, pich chi rïngöy kegh, pich cho sorwanïn tökïnyorï kalya.

MATAYO 11:5

Kerosïta chepkarotonoy akïpesïta pich cho ngwolsot, kakesop pich cho amate psenkwet, kalïm ngal cho le cheminytin, kakigh cho kökimeghö kututï akyomchï mey Lökoy cho Karamach.

MATAYO 21:14

Kïpka chepkarotin nko cho kingwolsot Köyini, kusop Yeso chane.

LUKA 4:18

“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,

LUKA 7:21

Kïnyini kusop Yeso pich cho chang ompö sömewutkökwa, otini kingölonöy nko chane, akutul kïpegha pich ogh cho ghach, akwigh chepkörotonoy cho chang kurosïta.

LUKA 7:23

Akusoyönote chi nyo mötïngnye tomtomönöt ompö ani.”

YOANA 1:46

Kïtep Natanael lö, “Muköy so kïgh nyo karam kungwïno Nasaret?” Kuyokyï Pilipo lö, “Nyonö rosa.”

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

IGHISYEWUT 8:7

Ompöwölo kingeta oy pich cho chang cho kipote oy, kuteghyot, akesop pich cho chang cho kimeytoy porwöy nko cho kingwolsot.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?