36 Osïkö kisyonöt le wölo syonchini Paponkwa.
Alïkuna nyu pich cho tenote le wölo lata Paponkwa nyo mi yïm.
Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.
“Morwokyï pich atömö kirwokwok. Mogheghchï pich atömökigheghchok, olöstoghchinö atökelöstowok.
Opïstenö nyu ngwonïn nko mïrmïryö nko nörekyö, apïstö syala nko chïpö! Opïstenö kinonut anka tïkwïl nyo gha.
Wölo nyo pö tagh, ngöghomnyö nyo ngwïno yïm kï tïlil, tïng kalya. Talase, teröy ngal akïyongöy pich. Tïngeto kisyonöt nyo wow akuyinu akwa cho pö ighisyewut cho karamach. Mötïngnye kïltagh anta lïs.
