LUKA 6:23 - PIPÏLIA

²³ Oturönchenö adangony ompö ngörekyö ato itï choni, ompöwölo wow ropöwontenkwa nyo mi yïm. Lenye nyoni wölo kida papotïnekwa werkoy cho kimwoghöy ngala Tororöt.

LUKA 6:23 ပူးပေါင်းရင်းမြစ်များ

2 SAMWEL 6:16

Nyini kitï Santuku Muma kanasyanta Daudi, kurumï Mikal chepö Saulö tïrisya akïsïwa pöytoghin Daudi kïnyolöy akudöngonyöy ompö ECHOTYON, kïsas nyinte nyoman.

1 PÖYTOGHÏ 18:4

akwotini kimi Yesepel kïtïghöy werkoy pö ECHOTYON, kïwechï Opadia kïwïngchï werkoy 100 köpönot, kichagh chane kïlïkwï woptin odeny cho le 50. Akwotini kimi chane kïghïpchot kwipchï nyinte chane omisyö nko pögh.

1 PÖYTOGHÏ 19:10

Kuyokyï Eliya lö, “ECHOTYON Tororöt nyo pö owesyö, kasïwan nyo gha nyoman ompö pipö Israel ompöwölo kapeny chane muma* nyo nko nyi, akunyar ato kïpelo amörostineku akïpar werkoyköku löwïr. Ani ye nyu onkït nyo köngötï, akwanyï ye mi chane kïyöröy kïpöranïn tïkwïl.”

1 PÖYTOGHÏ 19:14

Kuyokyï Eliya lö, “ECHOTYON Tororöt nyo pö owesyö, kasïwan nyo gha nyoman ompö pipö Israel, ompöwölo kapeny chane muma* nyo kyam nko nyi, akunyar ato kïpelo amörosköku, akïpar werkoyiku löwïr. Ani ye nyu onkït nyo köngötï, akwanyï ye mi chane kïyöröy kïpöranïn tïkwïl.”

1 PÖYTOGHÏ 19:2

Kïyonta Yesepel chi wölo mi Eliya akïlenchï, “Nya kïparanïn tororötinö ato teno nyete asïyech ato tomönye awunyi lenyini kighchinyi werkoyichoni.”

1 PÖYTOGHÏ 21:20

Nyini kisïwa Aap Eliya kïlenchï, “Heywey kenyorwaninyi punyontenyu?” Kuyokyï Eliya lö, “Owöy kangwïnan, atenyorunönyi chïpöto ECHOTYON ompöwölo kitötenyi kegh igh ngokï ompö tawu ECHOTYON.

1 PÖYTOGHÏ 22:27

Omwochinö chane kïrötyï nyinte chela apagha makatyan nko pögh ntökïtenö amïlan ompö kalya.”

1 PÖYTOGHÏ 22:8

Kuyokyï Aap lö, “Mito akong nyo kïkuro Mikaya wero Imla, wölo lilanïn kïgh nyinte nyoman, ompöwölo möminye kïgh nyonikïny nyo karam nyo ngoröy nyinte ompö ani, ngorchinanïn nyinte ngal cho ghach.” Kuyokyï Yeosyapat lö, “Ewo, pöytoghin memwoghöy lenyona.”

2 PÖYTOGHÏ 6:31

Kïlö, “Osoghan Tororöt kïparanïn atomamutanye möt pö Elisya wero Syapat asisete!”

2 OTÖPTINO OSIS 36:16

Wölo kitas tagh kïpeny mötwori Tororöt, pirönö ngala Tororöt akïngem werkoykachi, tökïtenö kïnyölechï ECHOTYON pikachi tömökïminye wölo chïwïto.

NEEMIA 9:26

“Wölo kïpeny ngaleku akïtaghinyi akïpörchï patagh kirurutköku. Kïpar chane werkoyköku cho kichilöy tökuyokyinyi kegh Kichïpinyi chane kïnomnyö.

TUMWÖY 58:11

Lentöy nyu pich, “Nyoman nyoru pipö man ropöwon! Nyoman mi Tororöt nyo rwokyini ngwïny.” Ompö kintöghoghinto tumï. Kïrïp kegh nko tum pö “Menyar.” Tum pö Daudi, otini kiyoktö Saulö pich kusyep ompö katanyi atökïpar.

ISAYA 35:6

Komtoy cho ngwolsot akudanga. Teghyot pich ompö ngörekyö cho le kïmanytin, ompöwölo yintegho pögh kor wölo le surkwen,

YEREMIA 2:30

“Kiwö kwïle sitenyan nyo kinyorï pikökwa, ompöwölo kicham lö kikelel. Kiwany chokengu werkoyköku le ngötïny nyo komï.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

LUKA 1:41

Kïkany kïlïm Elisapet takwespa Marya, kïpirön mönïng ompö muyenyi. Kungwïnchï Elisapet Mïkulögh nyo Tïlil,

LUKA 1:44

Ompöwölo otini kalïman takwestangu, kïpirön monïng ompö muyenyan ompö ngörekyö.

LUKA 6:35

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

IGHISYEWUT 14:10

Kïmwa ompö kut nyo wow lö, “Ghyongenö kelyeku lasiny!” Kughyö chichay lenyini akïwestö.

IGHISYEWUT 3:8

Kïnget lawel kughyö, akïwö kïlït Kö pö Tororöt nko pïchay, kïwetöy akudöngonyotoy akïsölotoy Tororöt.

IGHISYEWUT 5:41

Kïngeta kiyoktoghï Kokwö nko ngörekyö nyo wow, ompöwölo kisïwa lö, mïchini kuwongunö chane kaynata Yeso.

RUMI 5:3

Kïngörokyinecha tïkwïl kömpölelutköcho ompöwölo kinkïtöcha lö, ipu kömpölelyö mïkukönöt,

2 KORINTO 12:10

Kïlenyona, ochömonan kegh nyörkölelut nko chïput nko nyörilwok nko kinyarilata kong nko kiwongunöt ompö Kristo, ompöwölo otini ochan nyarkalal, kï atoni ato ochan awes.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

2 TIMOTEO 2:12

Ato kiletacha tagh kemïkukön, kepöytocha nko nyinte tïkwïl. Ato kïtaghacha nyinte, kïtöghecha nyinte tïkwïl.

EPRANIA 11:26

Kisïwa lö kaykay tya kuwongwï chi nko Kristo* kïsir kenyorï monkornöno koro Misri kïmïkul ompöwölo kimi kukönöy ropöwon nyo mi tagh.

EPRANIA 11:6

Akwoto puryö kighanat kïmemukonye kegh Tororöt kïngarak. Ompöwölo mïchini chi nyo wechini Tororöt, kughan lö mi Tororöt akutöni ropöw chane cho yöröy nyinte.

YAKOPO 1:2

Oyitö kegh tupchenyu lö ochikwa pich cho ngörekyote ato onyorukwa työmut cho sisinchö.

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

NGONGUT 2:26

Otöninan nyinte nyo rïntoy akïrïpöy ngalechoni ntökwit söröm, owesyö kipayta pipö punton.

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.