LUKA 6:21 - PIPÏLIA

²¹ Ochikwa soyönote cho amatak kömöy ye, ompöwölo kipïghyongokwa. Ochikwa soyönote cho oloksot ye, Ompöwölo onyorunekwa ngörekyö.

LUKA 6:21 ပူးပေါင်းရင်းမြစ်များ

TOWUNÖT 17:17

Atolapay kupïtyï Apraam ngwïny ompö konyït akïror ompö mïkulöwunyi otini kinonöy lö, “Akumuko nyoman lö yiyöy chi monïng nyo pö könyis pokol? Akumuköy Sara nyo tïng könyis 90 ntökïyï?”

TOWUNÖT 21:6

Kïlö Sara, “Keghanïn Tororöt oror, akwanka tïkwïl nyo lïmöy ngölyontonï kïroröy nko ani.”

TUMWÖY 107:9

Ompöwölo nuköy cho amate maral akïpa cho amate kömöy kïpïghyö.

TUMWÖY 119:136

Yinu lok konyichan le konyi pöghon, ompöwölo katagh pich kïrip kirurutköku.

TUMWÖY 143:6

Osyolan ewunechu parak ompö saghat amate maral söpontönyan ompö nyi le kor nyo tïyame.

TUMWÖY 17:15

Wölo orosinyi ompö man, akwotini kangetan opïghyoninyi.

TUMWÖY 28:7

Owesyenyan ECHOTYON akï longenyan. Oghönan nyinte. Konanïn kingörokut akwighanïn oturön. Osölan nyinte ompö tumwöy.

TUMWÖY 65:4

Soyönote pïchoni kikïlanyi, choni kimïtunyi kïpka möngengu. Kïpïghyongecha ompö köromnyengu nyo mi kongu nyo tïlil.

ISAYA 25:6

Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.

ISAYA 30:19

Akwa pipö Sayon,* melö torirsokwa ngat cho omöngöy Yerusalem. Kisyonin Tororöt nyo otini korirchikwa nyinte, kïterwokwa.

ISAYA 66:10

Ongörekyenö aturonchö nko Yerusalem, akwa chona ochömöy kanasyantanï! Ongörekyenö nko nyinte tïkwïl cho kyosönönchï!

YEREMIA 13:17

Wölo ato materanïkwanye, kïriröy mïkulöwunyan ompö sison akwompö menötenkwa. Olokan ompö ngwonïn kïtörengu lok, ompöwölo kakïrang pipö ECHOTYON le naman.

YEREMIA 31:25

Oyonan aghakat kïngeta chona kikwoghochö tökïlïmchï kegh nyo karam. Opïghyongan ntökïsïch owesyö chona könyörkölöchitunö kömöy.

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

YEREMIA 9:1

Opï kö ngarpïlu pögh mötïnyan, akï kosunö lok konyichan, kötö oriran oghö nko pöghet, akwompö piköchan cho kikïpar.

ESEKEL 7:16

“Ryöghchini pich cho köchïwïtyö kutïngkot le cheptuken cho kakyotyeghö ompö mpöghoghöy, akïsönön anka tïkwïl ompö ngokichi.

ESEKEL 9:4

akïlenchï, “Weratena kanasyanta Yerusalem kïmïkul, aitö machey tokochu chi anka tïkwïl nyo kasïwa nyo gha akusus ngalechï ghach kakigha kanasyan.”

MATAYO 5:4

Soyönote pich cho sönöniot, ompöwölo syonchini Tororöt chane!

MATAYO 5:6

Soyönote pich cho omöy kömöy nko maral nyo pö manpa Tororöt, ompöwölo kipïghyongöy.

LUKA 1:53

Kikïpagh pich cho amate kömöy kïpïghyö akutul monkor kïpa kïtuw.

LUKA 6:20

Kïwaghach kegh Yeso kura kinetankachi akïlenchï, “Ochikwa soyönote cho ochï mey, ompöwölo nyinkwa Pöyunöto Tororöt.

LUKA 6:22

“Ochikwa soyönote chona reyok pich, akeyonchok sany, kechïpok akemïnak akenyarenak kaynötut lö ochï pich cho ghach akwompö paraku Wero Chi!

LUKA 6:25

Ochech akwa cho ochï pïghyongote ye, ompöwölo pkonöy osiswö cho omokwa kömöy. Ochech akwa cho ororsot ye, ompöwölo oriryokwa alokyö!

YOANA 11:35

Kïlok Yeso.

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOANA 6:35

Kïlenchï Yeso chane, “Ochan makatyanta söpon. Momönye kömöy chi nyo ngwïnöy wölo omitan akï momönye maral chi nyo ghönanïn.

1 KORINTO 4:11

Amatecha kömöy nko maral ye, kïchicha chïrutöch, akemungecha. Melö kïtïngetecha wölo kïmöngöy.

2 KORINTO 11:27

Kyopöghisyan awongwï kïnyïl cho chang. Kyowestan akimonyorwanye rïwön kïnyïl cho chang. Kyamanïn kömöy nko maral, akïruran kïnyïl cho chang, ampur wölo kaghït amotïng sïra.

2 KORINTO 12:10

Kïlenyona, ochömonan kegh nyörkölelut nko chïput nko nyörilwok nko kinyarilata kong nko kiwongunöt ompö Kristo, ompöwölo otini ochan nyarkalal, kï atoni ato ochan awes.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

NGONGUT 21:3

Atolapay alïman kut nyo wow nyo kingölonuno ngacharu pö paytagh kïlentöy, “Töngönchin ye nyu kwïle! Kömöngisyö Tororöt nko pich! Kömöngisyö nyinte nko chane atökïlïkwï chane pikachi, kïlïkwï nyinte Tororöt, Tororötïngwa.

NGONGUT 7:16

Amökwomöcha kömöy chane ngat anta maral, amökïpelöcha chane asis ngat anta kilayat anka tïkwïl.