LUKA 5:32 - PIPÏLIA

³² Kimangwïnanye okur pipö man, wölo mwokïyis atökïkötö ngokikwa.”

LUKA 5:32 ပူးပေါင်းရင်းမြစ်များ

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

MATAYO 9:13

Ape aneta kegh lö mwoghöy ne Kikirutchay lentöy, ‘Opïrchinan kisyonchin, amelö amörostin.’ Ompöwölo kimangwïnanye okur pich cho karamach kïpoto mwokïyis.”

MARKO 15:10

Ompöwölo kinkït Pilato lö, kitötö tïsï cho echön Yeso ompö sastagh.

MARKO 15:7

Kïlenyona kimito chi nyo kikuro Parapas nyo kiratate nko rïmi walaka cho kigh kiwulyogh nko pörsyö.

MARKO 2:17

Kïkany kïlïm Yeso kïlenchï chane, “Melö möröy pich cho karamach chepsakïtyan, kïpoto chona chiryot. Kimangwïnanye okur pich cho pö man wölo kyangwïnan okur mwokïyis.”

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

LUKA 15:7

Kïlenyoni tïkwïl, wow tya ngörekyö ompö yïm ompö mwokïyon akonga nyo kötoy ngokichi, kïtïl pich 99 cho lenchini kegh kïchï karamach amöchömöy kïkötoy ngokikwa.

LUKA 19:10

Ompöwölo kingwïn Wero Chi kïmar akïsörï cho potyote.”

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

LUKA 5:31

Kuyokyï Yeso chane lö, “Melö möröy pich cho karamach porwöy chepsakïtyan, kïpoto cho chiryote.

LUKA 5:33

Kïtep pikö walaka Yeso lö, “Atï kïruröy kinetanpa Yoana kïnomnyö akïsöghöy akwighöy lenyoni kinetanpa Parisaytin tïkwïl, wölo omisïyi akïgheghsïyi kinetanköku.”

IGHISYEWUT 17:30

Nka nyaya kitagh Tororöt kuyityï pich ghöytyö, ompöwölo kitomöcha kïpköchï, wölo sikyini ye nyu pich löwïr ompö wop lapay lö, ‘Okötenö ortïnekwo cho ghach.’

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

IGHISYEWUT 20:21

Kyorirchan pipö Yaudi nko pipö punton löwïr lö okötenö ngokikwo amïlonchö wölo mi Tororöt, aghan Echotyontenyo Yeso.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

IGHISYEWUT 3:26

Kïlenyona kïkïl Tororöt akïyonï mötworintenyi Yeso kïnya kungwïnchokwa, atökusoyönokwa, kwighakwa omïlisyeghenö ortïnekwo cho ghach.”

IGHISYEWUT 5:31

Kisyol Tororöt nyinte kïtöpö ewunyi okumpö tagh, kïlïkwï kintöghoghin nko Ghetin. Atökutö pipö Israel pöroyïn nyo kötegho ngokikwa akelöstoghchï chane.

2 PETRO 3:9

Melö nyïrtighöy kegh Echotyon ntömökwigh kïgh nyo kikakuyomisï lö oghöy, le wölo nontoy pikö walaka. Wölo mi nyinte kïmïkukönöy nko akwa, ompöwölo mömökönye kenyar chi anka tïkwïl, wölo mököy kïwöghökisyö pich akïkötö ngokikwa.