LUKA 5:22 - PIPÏLIA

²² Wölo kipköchï Yeso ngalechini kingölonchinegho kegh, kïlenchï chane, “Ne ngale chï oteponekwa kegh mïkulis nya?

LUKA 5:22 ပူးပေါင်းရင်းမြစ်များ

1 OTÖPTINO OSIS 28:9

Kïlenchï Daudi Solomon, “Werïnyu, inkïtï Tororöt pö papongu aipöghisyechï nyinte ompö mïkulögh akonga nko kinonut akonga. Nkït nyinte kinonsyewutköcha nko möchutköcha, ato iwechinyi nyinte kïtokinyi. Wölo ato itaghanyi nyinte, kïtöghinyi kokay.

TUMWÖY 139:2

Pköchininyi kïgh anka tïkwïl nyo oghan, ainkïtönyi kinonutköchan ompö wölo low.

NGÖTÏNYÖ 15:26

Ghöchini ECHOTYON kinonut pö mwokïyon, ngörökyini nyinte ngala pich cho tïlilöch.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

ESEKEL 38:10

Lentöy Echotyon TORORÖT, “Pkonchininyi kinonut asisoni cho itötenyi ghöyityö kwïle.

MATAYO 12:15

Otini kilïm Yeso ngalechoni, kïweghö wölaye. Kïrïp pich cho chang nyinte. Kusop pich löwïr cho kichirsot,

MATAYO 12:25

Kunkïtï Yeso kinonutkökwa, kïlenchï, “Ato chagha korö atolapay kïporyö chane nko chane, kuwonyot akwoto chagha kanasyanta anta kö pö chi akïporyö chane nko chane kuwonyot.

MATAYO 9:4

Kïpköchï Yeso ngalechoni kinonöy chane, kïlenchï, “Ompö ne tononokwa mïkuliskökwo ngal cho ghach?

MARKO 8:17

Kunkïtï Yeso ngalekwa, kïtep chane lö, “Kölö ne tongölononekwa ngala sïrpönö lö mökïtïngetö makatyan? Tomönye sö onkïtunökwa? Anta tomönye Kïpköchokwa? Oghïghe mïkulöwekwa le nyete?

LUKA 24:38

Wölo kïlenchï chane, “Ompö ne towöghisyenökwa? Akwompö ne totïngetenökwa tomtomönöt ompö mïkuliskökwo le nyï?

LUKA 5:21

Kïngölonchinö koneti kirurut nko Parisaytin akïtep kegh lö, “Akï chi nyo ngölonöy cho mwoghöy Tororöt nya? Chi ngo nyo muköy kïlöstoy ngokï, möpotonye Tororöt onkïtï?”

LUKA 5:23

Omwowune nyo kwïskwïs, kemwa lö, ‘Kikelöstowunyi ngokiku,’ anta kemwa lö, ‘Ngeta aiweghö kelyeku?’

IGHISYEWUT 5:3

Wölo kïlenchï Petro, “Ompö ne nya Anania tepïsinönyi Onyöt kipöyï mïkulöwungu ntelïsanyi Mïkulögh nyo Tïlil, aichïchukanyi ompö sison kareranto ropïyeni cho kesïkenyi par?

EPRANIA 4:12

Satate ngölyonto Tororöt akïchongchong, ngatip kïsir chok anka tïkwïl nyo lïtate wölini nko wölini. Akïmutöy kurelït ato ryomo söpon nko mïkulögh akurelchï wölo ryomechini ngichayayi por nko mwagh. Sïku ngölyontononi möchut nko kinonut pö mïkulis pö pich.

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.