16 Kïkany kulowit kegh nyinte, kïwö wölo le siriron tökïsagh.
Nyini kïyonta pich kïpechï kegh, kïwö onkït kïpus kamas kïsagh. Kimi Yeso atoni onkït akikwimön,
Otini kipakachta tuyonay, kïwö wölo le kutïng kïsagh.
Kïkany kepatisan pïchay löwïr, kepatisan Yeso tïkwïl. Otini kisoghöy kïyata yïmö,
Kipus Yeso kutïng asistanka atö kïsagh Tororöt, saghat nyo kilet oghononi kïyech.
Kikany kuwonyö osiswö cho ngata mut nko sömök, kïngeta Yeso kïmwagha ngalechoni, kumït Petro nko Yoana nko Yakopo kïpa kïpus kutïng atökïsagh.
Akwotini kitökïsoghöy, kuwenga tokochunyi kïsisit, akïrelachitu akukwerkwerisyö sïrokachi lö, pöt.
Kinkïtï Yeso lö kirich kïpa chane kïnam nyinte ompö owesyö atökwigh pöytoghin, kïwö ngat kutang kutïng nyinte onkït.
