LUKA 4:22 - PIPÏLIA

²² Kïsöwintönchï chane tïkwïl lö, pö man ngalechï, kïtöngönchï pïchay ngala pöropchö cho kïngalan nyinte. Akïtep kegh lö, “Möweronye Yosep nyete so?”

LUKA 4:22 ပူးပေါင်းရင်းမြစ်များ

TUMWÖY 45:2

Ichinyi pïchigh kïtïl pich löwïr, tïng kutingu pöropchö, kikusoyöninyi Tororöt kokay.

TUMWÖY 45:4

Leta tagh ompö wowïntöngu aterïntena atenoghyechinö kirwoko kisyonchin nko man ipu owesyengu rïntaghtin cho echön.

NGÖTÏNYÖ 10:32

Nkït kuti chi pö man kïgh nyo chömunote, wölo potote kuti mwokïyon.

NGÖTÏNYÖ 16:21

Chïrer chi nyo ngöghom ompö mïkulöwunyi, akïtösöy onyïnio ngal chïreryö.

NGÖTÏNYÖ 25:11

Karkegh ngölyon nyo kakïmwowï ato mïchini nko akwa koltin cho kakïtötyï wïsino silpa.

OMTOGHIN 10:12

Ipchini chi chömchin ngala cho ngölonöy chi nyo ngöghom wölo pöröy sölwö ngaleko kutinyi.

TUM PÖ TUMWÖY 5:16

Wechï onyïnech ngala cho pkono kutinyi achöman nyinte kïngeta kel ntökwit möt! Anyï nyu wölo lata chamanenyan akï kongenyan, akwa tipichï pö Yerusalem.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

LUKA 2:47

Kitangany pich tïkwïl, cho kiteröy ompö pköchintanyi nko wölini kiyodoy nyinte teputchay kïlïkwï.

LUKA 2:48

Kïtangany yïyichi otini kisïwa nyinte, kïlenchï kame, “Kölö ne teghwecha nyi le nyï nya monïngï? Rose lö, kamarinyi nko papongu ompö nyarïl.”

LUKA 21:15

Ompöwölo okonokwa ante kuti nko ngöghomnye nyo memukönye pungkökwa kuyokwï kïgh amemukönye kumöl.

LUKA 4:21

Kutor kïmwochï pïchay lö, “Ketïta asisï Kikirutchï le otini kalïmakwa kesomön.”

YOANA 1:45

Kïtuyö Pilipo nko Natanael akïlenchï, “Kakïtuyecha nko chichay kikir Musa ngalechi ompö kitapu Kirurut* akï nyinte nyaye kikir werkoy ngalechi. Yeso nyinte, nyaye le wero Yosep nyo möngöy Nasaret.”

YOANA 6:42

Kïtep kegh chane lö, “Mö Yeso so nyete nyaye le wero Yosep? Kumuko lö ne kïlentöy, ‘Korökunan yïm?’ Kinkïtöcha kwanta nko kame!”

YOANA 7:46

Kuyokyï chane lö, “Möminye chi nyonikïny nyo kikïngalan le chichoni.”

IGHISYEWUT 6:10

Wölo kitö Mïkulögh nyo Tïlil Stepano ngöghomnyö nyo wow, nyo otini kingalan kïmökumïcha kïrïnta nyinte.

TITO 2:8

Ipöghisyeghö ngal cho isunate, cho puryö kigheghchin, atökutö punköku arasï atö lentöy kïngölononecha ngal cho ghach.