LUKA 3:7 - PIPÏLIA

⁷ Kïpka nyu söpïchis pö pich wölo mi Yoana atökupatisan nyinte chane. Kïlenchï pïchay, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

LUKA 3:7 ပူးပေါင်းရင်းမြစ်များ

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

ISAYA 59:5

Keskesöy chane adöstino moroyut akïnap netina kapamporen, omekwa adöstinekwa atomeghenö. Kïkany ato kikoskos adöstine, kungwïna mïnya orinyi.

MATAYO 12:34

Akwa moroyutchï, omukekwa lö ne ongölone ngal cho karamach achikwa ghach? Ompöwölo ngölonöy kuti chi tïkwïn cho nyïghïtate mïkulöwunyi.

MATAYO 23:33

Heywey moroyut chï otïngetö ngwonö! Omukekwa ochïwïtyegho kirwoko mapa kokay lö ne nya?

MATAYO 3:6

Kïnganyta chane ngokikwa, kupatisan Yoana chane ompö lalwa Yordan.

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

IGHISYEWUT 13:10

akïlenchï, “Nyi Wero Onyöt! Aichï punyonto kïgh anka tïkwïl nyo karam, nyïghitatïnyi ngöghomnyö nyo pö ghöytyö, mepïstonenyinye kïnure ortïna Echotyon cho ghïteghote?

1 TESALONIKE 1:10

amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

1 YOANA 3:8

Kïkany anka tïkwïl nyo ighöy ngokï, kïpö Onyöt, ompöwölo kigh Onyötö ngokï kïngeta otini le towunöt. Kingwïn Wero Tororöt ngwïnyinete atökunyar pöghisyewut pö Onyöt.