LUKA 3:16 - PIPÏLIA

¹⁶ Kïlenchï Yoana chane löwïr, “Opötisönekwa ompö pögh, wölo pïnï lötunyan chi nyo wow kïtïlanïn nyo mömïchinanïnye ompö atyak kweghkachi. Pötisönekwa nyinte ompö Mïkulögh nyo Tïlil nko ma.

LUKA 3:16 ပူးပေါင်းရင်းမြစ်များ

NGÖTÏNYÖ 1:23

Atera kinetutkochan oyinokwa kinonutköchan aporwokwa ngalechan.

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 4:4

Rwokyini Echotyon akutïlil piko kanasyantenyi akuwun sïmnyonto Yerusalem nko kisön cho kikïmïltegha orinyi.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

MATAYO 3:12

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

YOANA 1:26

Kuyokyï Yoana chane lö, “Opötisönan ompö pögh, wölo mi kwenunkwa chi nyo monkïtökwanye.

YOANA 1:27

Rïpkanïn nyinte, wölo mömïchinanïnye ompö atyak kweghkachi.”

YOANA 1:33

Kimonkïtönye nyinte, wölo kökimwowanïn nyinte nyini kiyonwanïn apatisana pich pögh lö, ‘Isïwiyenyi chi nyo rökyini Mïkulögh akïtöpö parakunyi, chichoni nyo pötisöno pich Mïkulögh nyo Tïlil.’

YOANA 7:38

Kïle wölaye mwoytoy Kikirut lö, ‘Anka tïkwïl nyo ghönanïn, kuyintegho mïkulöwunyi pögh cho tïng söpon.’ ”

IGHISYEWUT 1:5

Kipatisan Yoana pich ompö pögh, wölo kipötisönokwa ompö Mïkulögh nyo Tïlil ato lekït.”

IGHISYEWUT 10:44

Akwotini kitökïngölonöy Petro, kïrökyï Mïkulögh nyo Tïlil pïchay lapay kimi kïteröy ngalechoni.

IGHISYEWUT 2:33

Ompöwölo kiketöror nyinte aketö kïtöpö okumpö tagh nyo pö Tororöt, akïtach ompö kwanta ayomis nyo pö Mïkulögh nyo Tïlil. Kunka nyete kökonï nyu kïyete osïwïyekwa ye alïmöy.

1 KORINTO 12:13

Ompöwölo ato kakïchicha pipö Yaudi anta pipö punton anta sekey anta cho tyokote, kïkakepatisanecha löwïr ompö Mïkulöwunoni le akonga, kelïkwï por akonga, akakekonecha löwïr keghegha Mïkulöwunoni le akonga.